秦沛做新老爷儿子姜文杰「全2时刻」宣布婚讯喻意成双成对

2022-02-22 15:45

现年41岁、秦沛儿子姜文杰今日在社交网宣布与拍拖9年的女友李泳淇（Rain）拉埋天窗，而今日是一个好特别的日子，既2022年2月22日星期2，兼农历正月22日，姜文杰更特别花心思，在下午2时22分宣布婚讯！

姜文杰大晒多张婚照，其中他们抱着爱犬合照，并发表爱的宣言：「我们...结婚了。相恋时，你22岁，我32岁.. 命运安排我哋拍摄相识，所以当晚嘅珍贵时光永远记录喺一条片入面。」

姜文杰自认不是细心的男友，写着：「同您一齐咁多年，大部份生日饭同情人节晚餐都安在家中煮饭食，有几次仲浪漫到叹麦记或谭仔外卖，你都冇半点怨言。讲到礼物，更系少之又少。情人节我地习惯唔买玫瑰，反而年年买棵植物返屋企。情信，也从来冇写过俾你。无论我拣边条路，您都总会支持我.. 有咩谂唔通，您会陪我分析同倾诉.. 我有错，您亦从来唔会怪责我.. 反而陪我一齐面对同正视生活上遇到既种种难题.. 喺一啲最难捱过既夜晚，你会扶持我，俾我感觉到你会一直陪我身边支持我。作为我女友，呢几年黎，辛苦了。」

姜文杰与细10年女友拍拖9年，终于拉埋天窗。

姜文杰感激太太一齐面对人生各种喜怒哀乐。

一个唔介意叹麦记或谭仔外卖嘅好老婆。

姜文杰相信他们会有一段美好的婚姻，自觉好幸福，因为是彼此的Best Friend，会一齐面对人生各种喜怒哀乐。他并承诺会好好对老婆，并多谢父母、妹妹、Peanut、Jelly，以及家族每一位成员既爱。最后还冧爆留言：「Love You。从今以后，我会担起一家之主既责任，每日努力为姜太太带来简单而美满既幸福快乐人生。多谢老婆照顾我无微不至。你煮既饭系世上最好味既，煲既汤亦系最温暖既。老婆，多谢你，我爱你 ❤️2022年 2月 22号（初22）星期2 2:22分」。

身为妹妹的姜丽文亦好戥哥哥开心，但疫情关系未能亲身见证签纸一刻，她今日回覆本报谓：「梗系好开心啦!!!! ❤️❤️❤️ 虽然因为疫情大家都未可以搞到个婚礼，但系就算喺video call嗰度睇住佢哋签纸都觉得好感动！忍唔住喺录影厂喊出嚟 haha。」