独家丨王梓轩期待第二季《演斗听》做得更好姜丽文有社交焦虑感激曾照顾

2022-02-20 22:00

去年王梓轩担任音乐总监嘅TVB节目《演斗听》成功打入台庆颁奖礼「最佳综艺节目」5强；而姜丽文（Lesley）就夺得「飞跃进步女艺员」，两老友约埋打边炉庆功兼贺年，Lesley更「Lisa」上身，灌醉梓轩后用「鲍鱼刷」当梳刷佢个头，望他喺新一年头头是道，梓轩都交足戏。两人期望喺虎年会有歌曲上嘅合作。采访：方骞平摄影：沈健程发型：DY @ Salon de lotus(王梓轩)；Oscar Shek @HAiR(姜丽文) 服装：上海滩(王梓轩) 场地：起锅

姜丽文「Lisa」上身，灌醉梓轩后用「鲍鱼刷」恶搞梓轩。

姜丽文好信任王梓轩。

日前两老友约埋打边炉开年，王梓轩先饮为敬，又跟姜丽文大玩即兴创作：「请你饮杯酒，我希望你今年工作冇得唞！」Lesley开心到爆，笑说：「好好听呀！」她又接住rap：「我祝返你身体健康，好似避风塘炒蟹咁，场场演唱会好鬼High，又似水煮小龙虾咁今年不停笑到嘻嘻哈哈…」相当有默契。

两人齐食火锅开年，喻意新一年生生猛猛、身体健康。

王梓轩、姜丽文期待虎年事业响到嘭嘭声。

王梓轩、姜丽文互相祝福。

开年边炉好丰富，汤底有水煮小龙虾及樟芝苦瓜排骨，配料有牛极盘、香叶肉碎饺拼韭菜猪肉饺等。

赞轩梓够义气

Lesley话两人相识12年，经历过唔少甜酸苦辣，梓轩系其中一个最sweet嘅朋友，两人经常倾心事，她还自爆：「有段时间我有社交焦虑症，试过喺颁奖礼后台病发感觉透唔到气，但又唔想畀其他人知道，好彩得佢照顾我，带我去一个舒适嘅地方再守护我。」梓轩话锺意有才华及好努力嘅人，大家互相信任下建立友谊，更爆Lesley每次见到啲核突公仔都联想起他。提到过去一年成绩，梓轩形容系感恩，但未满足，相信第二季《演斗听》可以做得更好，Lesley毋忘初衷今年会出返歌。