第5波疫情｜林欣彤快测阳性 展示两款试剂不同结果

林欣彤（Mag）今日在社交网发，自言怀疑染疫，并贴上两款快速测试剂结果照，其中今日用的脷底式快速测试剂呈阳性，并指跟她同住的人亦告确诊。Mag称日前已有病徵，「我连续几日用同一个方法/牌子嘅test kit去测（系撩鼻嘅方式，我简称佢为A），keep住check到系阴性。我琴日同今日病徵严重咗，再用A去test，都系阴Negative，然后我再用另一牌子去试（系放脷底嘅，我称为B），Test到系阳性Positive。」

Mag续谓：「我推测可能我今日之前已经系阳性，不过A check唔到，但用A check我同住嘅系阳性positive嘅人，A系check到嫁。结论：A喺我身上唔work，但喺其他人身上work；B就喺我身上work（我啱啱系喺同一时间一齐用A同B）。」她表示将用政府的樽仔拿去检测确定是否真是阳性，再跟大家跟公布。

Mag随后回应记者查询，称：「前几天觉得喉咙痛及头痛，所以有做快速测试，头几日check了都是阴性，直至今日才check到阳性结果。所以已经搵人帮手拎政府嘅樽仔再做化验。知道医疗系统最近都非常爆满，所以这几天都一直留在家中自我隔离及休息，没有出门或接触其他人。希望大家都保重身体，多谢关心。」

 

Mag与同住人快速检测均呈阳性。

贴文截图

林欣彤贴文全文：
我今日用self test kit check到阳性
如果你有病徵
我建议大家用self test kit
唔好净系用同一方法/牌子
·
前几日其实我都已经有病徵
我连续几日用同一个方法/牌子嘅test kit去测（系撩鼻嘅方式，我简称佢为A）
keep住check到系阴性
·
我琴日同今日病徵严重咗
再用A去test，都系阴性Negative
然后我再用另一牌子去试（系放脷底嘅，我称为B）
Test到系阳性Positive
·
我推测可能我今日之前已经系阳性
不过A check唔到
但用A check我同住嘅系阳性positive嘅人
A系check到嫁
·
结论：A喺我身上唔work，但喺其他人身上work；B就喺我身上work
（我啱啱系喺同一时间一齐用A同B）
·
所以我建议大家如果觉得自己有病徵，想check
可以试下用唔同方法嘅test kit去check呀
唔好一直用同一个
·
我将会用政府嘅樽仔去check
睇吓我系唔系肯定阳性(?)
再update大家～
希望帮到大家💓各位好好保重

 

更多第5波疫情资讯，请到以下专页浏览
按此

立即下载 | 全新《星岛头条》APP : https://bit.ly/3yLrgYZ