独家丨Aska想再拍烹饪节目 Sherman乐做谭玉瑛姐姐二号
2022-02-18 23:00 
日前初步确诊新冠肺炎的「声梦」Sherman（潘静文）和Aska（张驰豪），在刚播毕的剧集《青春本我》饰演一对，被赞外形合衬。两人早前除初尝试做演员滋味外，Sherman就首次主持儿童节目《Hands Up》，而Aska参与综艺节目《男神厨房》，更成为五位「冠军级男神」之一，他们都希望往后继续作多方面发展。采访：杜淑霞 摄影：叶君海
Aska和Sherman在《青春本我》第一次拍剧，两人觉得最大挑战除了要廿几岁扮十几岁，着住校服演中学生外，最困难要算忍住笑演感情戏。Aska说：「忍笑系最大难关，因为拍MV对住大家唱，佢都话我个样好辛苦，好好笑。」Sherman再解释，「佢一遇到太阳，个样就会好严肃，好搞笑，我要忍笑，但MV好彩笑住都得，但拍剧要代入个角色，个情绪系佢示爱我要惊，我唔可以好宽容咁望住佢，要控制住自己表情，唔可以表露自己感情出嚟。」
下厨爱Freestyle
除了拍剧外，两人都各有其他演出机会，Sherman初次主持儿童节目《Hands Up》，对于有此机会她坦言觉得好开心，「好难得有机会做主持，自己冇谂过，唔觉得自己做主持或者讲嘢比较有天份，会好珍惜呢个机会，因为学到好多嘢，除咗同小朋友有互动外，又有英文同煮嘢食嘅活动，而且𠵱家嘅小朋友真系好犀利，自己都唔可以退步。」好锺意小朋友的她，更视谭玉瑛姐姐为目标，「我真系好锺意小朋友，所以都OK，唔介意一直做㗎！」
至于Aska早前参与综艺节目《男神厨房》，更成为五位「冠军级男神」之一 ，仲有机会拍埋《男神厨房开业喇》及《男神煮场争霸战》。Aska以往在美国读书只煮过畀室友食，首次好似厨师一样煮畀咁多人食，相当紧张，「人哋畀钱嚟食，好惊出到嚟效果，值唔值得大家畀钱呢？但系好开心同难得有呢个机会，去展示我另一面畀大家睇。」下厨爱Fteestyle的他，仲想继续拍摄烹饪节目，「我觉得可以，煮嘢食方面我锺意乱咁嚟，希望有啲空间畀我可以创作，可能设计一啲平时唔会谂到嘅配搭。」
更多第5波疫情资讯，请到以下专页浏览按此 https://bit.ly/3JqiBzz
立即下载 | 全新《星岛头条》APP :https://bit.ly/3yLrgYZ
最新回应