少爷占整麻糬大福庆结婚16周年 占嫂瞓着凌晨12点前醒咗一齐食

情人节亦系商台DJ少爷占（甄子康）与太太冼燕珍的结婚纪念日，话咁快两人结婚16年。纪念日正日，阿占出咗个超甜嘅PO，「我记性很好，因为我要把你的事都记，老了你忘记我就提你。又回到二人一枱的时候，找到一个身边人好重要，因为我只有一个配额。病毒肆虐，好好经营自己，身体健康就是报答对方最好的礼物。能遇上你真好。今天，婚姻十六年。」

少爷占出咗甜蜜PO贺结婚周年。

阿占觉得纪念日点都要搵啲嘢切吓，无蛋糕唔紧要，对烹饪好有心得嘅佢就夜妈妈试整麻糬大福。「麻糬皮用微波炉煮熟糯米粉三分钟搅掂，即刻整红豆再要磨做豆蓉需要时间，不过最麻烦都系包成一个波嘅形状，考功夫。」不过做好草莓大福后占嫂已经瞓咗觉，不过好彩佢深夜又醒返，十二点前赶得切~ 切!，都几惊险喎。

搓粉皮。

整红豆再磨豆蓉。

主角之一。

包馅嘞。

大功告成。

好多馅好吸引。

食得。

阿占的结婚16周年总结，「限量煲一集唔舍得咁快睇晒嘅《僵尸校园》，又一晚。平淡的日子真好。」
 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ