关楚耀情人节豪送20万现金冧女友 Joann晒大叠金牛放闪

今年情人节同元宵只系差一日，咁特别嘅日子，要𠱁另一半开心，当然要花点心思。今年关楚耀（Kelvin）似乎就成为最有话题性嘅一个，事关佢唔系送花，又唔系亲自下厨整大餐呢啲普通嘢，而系最最最实际用「银弹」，任女友锺意买乜就买乜。

现年38岁嘅关楚耀跟年轻11年嘅空姐兼IG女神Joann Law拍拖5年，Joann不时喺社交网放闪，噚日（14 日）佢就喺IG限时动态上载一大叠「金牛」，目测估计有20万，Joann兴奋留言兼tag 男友：「任何玫瑰花都不及任你花随便花！锡女朋友的男人会发达！谂住简简单单食餐饭，佢突然拎个（信封）出嚟〝情人节快乐”我以为佢写咗一叠情信！Wish you all Happy Valentine’s Day.」咁豪爽，难怪会成为讨论区热话，网民出Post指「关楚耀情人节做埋啲咁嘅嘢........」，引来热烈讨论。

 

Joann心情大靓。

 

原来收到大叠金牛。

 

仲Tag埋关楚耀，好高调放闪。

 

Joann曾被质疑整容。

 

Joann的IG有9.3万粉丝，经常派福利。

 

白滑美腿。

 

而Joann Law多年来被爆出不少黑历史，曾被指整容、周身冒牌货，又用层压式推销等，但Kelvin一直好支持女友，不时高调送Like，懒理旁人。 

 

关楚耀为𠱁女友开心，出手好豪爽。

 

关楚耀系谭咏麟契仔，同前同爸爸关维麟一齐同契爷庆生。

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ