独家丨伍允龙恨娶心地好靓老婆 新剧打到飞起撞烂道具墙
2022-02-15 22:30 
伍允龙(Philip)于TVB新剧《铁拳英雄》中打到飞起，拳拳到肉，不过，辛苦得有价值，因为可以跟《城寨英雄》演员陈展鹏、王君馨、唐诗咏等重聚，日日充满欢笑声，跟王子涵嘅感情线又好有发挥。现实中44岁嘅Philip坦言好想搵到拍拖及结婚对象，最好有爱心兼且靓女，睇嚟真系唔易搵喎！采访：方骞平 摄影：叶君海 服装：Degaia 鞋履：Xvessel
伍允龙每次拍戏都唔少得晒功架，今次最开心可以拣用较熟悉嘅洪拳，打起嚟更加容易表达。印象最深刻有幕被打到黐埋墙嘅戏，为咗效果逼真，Philip要跳起嚟再撞埋墙，由于力度太猛撞毁咗发泡胶墙，搞到监制文伟鸿要运用CG做后期修复：「我武师出身，呢啲只系基本嘢啫，咁要用力先有说服力。」他又大赞陈展鹏及陈山聪打得愈来愈好，打得有节奏及美感。
跟赵慧珊只属密友
剧中他跟王子涵有感情线，纵然先后跟锺嘉欣、刘佩玥(Moon)、赵慧珊（Aka）及金融小花等传过绯闻，但伍允龙强调未有女朋友，亦好恨拍拖甚至结婚及生小朋友：「其实我冇乜绯闻啫，我同Aka系好close嘅朋友，识佢好耐，所以搵佢做电影《潜行者》女主角。」至于拣偶条件，Philip好直率坦承想搵靓女：「有爱心、心地好、锺意我、我锺意佢、志趣相投嘅女仔(要唔要拣靓女？)要！边个唔要靓女呀？自己都想搵个顺眼靓女，望住对方要开心嘅，但要喺爱心及性格上作出平衡。」
立即下载 | 全新《星岛头条》APP : https://bit.ly/3yLrgYZ
更多第5波疫情资讯，请到以下专页浏览
按此 (https://bit.ly/3JqiBzz)
最新回应