独家丨Aeren Rock 莲姐望挑战第二季 首拍《青春本我》遇难题
2022-02-10 22:00 
「声梦」Aeren（文凯婷）、Rock（何晋乐）和莲姐（林君莲）最近在《青春本我》初次体验做演员，3人觉得好玩之馀，亦体会到演戏上不少难题，幸好最后顺利完成挑战。有过今次经验，他们都想继续有机会演戏，仲期待演绎其他角色，不过最希望《青春本我》开第二季，一班「声梦」学员再一齐玩。采访：杜淑霞 协力：秦咏姿 摄影：沈健程、叶君海 发型：Bluedy Wong@Base 8 Salon(Rock) 化妆：Wasabi Cheung@Kings Makeup(Rock)
剧中同现实都是神婆的莲姐，今次最难演是角色不能笑，「我个角色永远都唔笑，但系其他人都系好开心，譬如有首好开心嘅歌，大家都好开心笑，但系我就唔准笑，个反差出嚟会好好笑，但系我忍笑忍得好辛苦，仲要对手戏大部份系同Felix（林智乐），见到佢鼻窿同头发，仲有对八字眉就想笑，好彩后尾都忍惯咗。」
对于Rock最困难要算是25岁的他，要扮中学生着校服，「梗系有难度啦！好彩我仲可以掹车边做到，我同Chantel（姚焯菲）差10年仲可以同班，不过，我真系冇乜试过校园生活，以前喺英国读书比较摺，好开心有今次经历，虽然系拍戏，但好似去咗Summer School。」
同前辈演戏压力大
剧中饰演钱嘉乐和汤盈盈囡囡的Aeren，最初知道要跟前辈合作，压力好大，「因为唔认识，佢哋感觉有啲严肃，可能我以为系武打演员，打得可能恶恶哋，好担心唔系好认识佢哋，NG时佢哋会唔会嬲，但第一次见佢哋，已经好nice咁叫我阿女，嗰吓好似已经破咗冰，当然做戏时，佢哋演技令我入返状态，譬如汤盈盈前辈问我点解唔食药，我畀佢震慑咗，导演NG话我太惊。」
3人有个今次拍剧经验，都想继续有机会尝试演戏，莲姐想演精神分裂角色，Rock恨演情绪波动大角色，而Aeren就想挑战做打女，他们仲自称是喊包，希望未来有机会发挥喊功。不过他们最想有机会《青春本我》开第二季，可以一班「声梦」学员再合作，他们仲想好主题，「《青春本我》大学版，或者职场版加啲大学都可以。」
立即下载 | 全新《星岛头条》APP :https://bit.ly/3yLrgYZ
最新回应