独家丨林作指面试素人好岩巉系怪胎 开网台「打真军」搞招募

去年「林锺拳击大战」成为热话，今年林作事业更上一层楼，除于保险业界擢升成为区域经理外，他更开设网台暂名「打真军」力撼YouTube有39万人订阅的「试当真」，正式向白手兴家捧红成team人嘅游学修宣战。林作及裕美日前展开招募成员活动，第一轮面试拣咗10位素人，林作形容呢批「打真军之友」系Odd Ball(怪胎)，非常够话题性。采访：方骞平 摄影：沈健程

林作嘅「打真军」团队日前进行首轮面试。

面试男参加者。

当日面试女参加者。

「行动派」林作坐言起行，短时间内经已组织好导演、制片、摄影等「打真军」团队，而林作则出任成队team嘅监制及幕后军师。对于「打真军」跟「试当真」喺YouTube上决斗，唔少「巴打」畀Like支持林作，强调会食住花生睇好戏，睇吓林作搞到啲乜出嚟。 

林作话裕美睇人最叻，casting交畀佢。

「作粉」慕名而来

林作连招募「打真军」成员都一样受关注，日前喺佢嘅豪宅进行第一轮面试，部份面试嘅素人其貌不扬，有啲「作粉」就慕名而来。其中17岁的「陈同佳」Keith天生一副厌世样，讲对白木无表情，却自信满满，笑到林作碌地；至于形容自己系无业废青嘅HaHa(哈哈)除咗即席表演倒立，同场仲加演魔术表演。另外，曾参加ViuTV《最后一届口罩小姐选举》疑受唔住网友负评而企图饮杀虫水药及漂白水嘅杨慧敏(老板娘Mina)，除咗大唱粗口版《Sugar In The Marmalade》，仲跳舞跳到瞓晒落地，身穿露脐装加热裤的Mina相当出位，更High到对住镜头竖起中指。而香港开电视主持人连佳丽(Kelly)最正常，她自弹自唱《他约我去迪士尼》都悦耳动听。而作为公司CEO助理，操得一口流利英文嘅Linda就高唱国歌。据知Mina、Linda、Kelly及Keith均已入选。

「口罩小姐」参赛者杨慧敏跳住唱粗口歌。

杨慧敏行为出位有话题性，最合乎林作要求。

 

哈哈表演倒立时，连裤袋内嘅银包都跌埋出嚟。

连佳丽自弹自唱《他约我去迪士尼》。

 

17岁「陈同佳」Keith懒理现场笑声。

林作教「作粉」曹子浩及Linda做戏。

立即下载 | 全新《星岛头条》APP : https://bit.ly/3yLrgYZ