杨佑宁自导自演囡囡因为佢太靓仔而晕倒舒淇笑佢教坏小朋友

2022-02-09 10:00

前年5月，39岁的台湾男演员杨佑宁宣布跟圈外女友Melinda结婚，女儿Anah于去年12月出世。首做老窦的杨佑宁虽然成日晒囡囡相，但就好巧妙地永远遮住囡囡个样。

好甜嘅家庭照。

抱囡囡游水。

喺上海开工嘅杨佑宁用视像同囡囡及老婆倾偈。

型男老窦出咗新Po，今次佢玩自编自导自演，剧名系「囡囡因为老窦太靓仔而晕倒」，段片系囡囡背向镜头爬向爸爸，因为囡囡得一岁所以未识行，就好自然要爬，杨佑宁放好囡囡喺地下，再用娃娃音问囡囡：「daddy好帅所以昏倒对不对？好棒喔！」然后抱起囡囡。因为段片太好笑，舒淇睇唔过眼留言，「错误的讯息会对小朋友造成认知上的困扰。」杨佑宁覆佢，「所以我才教她正确的审美啊。」林心如就笑佢系「好烦的爸爸」。