独家丨任达华提17岁囡囡恋情即否认 拜神祈福 推香港摄影册为港人打气

今年初，任达华在内地拍完戏即返港跟老婆琦琦及囡囡任晴佳（Ella）团聚过农历新年，本报记者日前直击华哥快闪式到莲花宫拜神祈福，问到系咪要赶走17岁囡囡Ella嘅烂桃花？他即九秒九紧张抢答：「未未未(拍拖)，我祈求全世界嘅人都身体健康。」好有爱嘅华哥更打算明年推出香港摄影画册，为疫情下辛苦硬撑的港人打气。采访：方骞平 摄影：沈健程

虎年祈福 任达华唔怕多人都要去拜神为港人祈福。

华哥祝大家身体健康。

 

陪吓家人 受疫情影响工作会延期，华哥有时间留港陪吓老婆及宝贝女。

今年农历新年继续喺疫情中度过，任达华为免喺人多地方聚集太耐，他抵达大坑莲花宫后都快速地诚心上香，华哥祈望新一年大家都身体健康，有信心疫情会好快完结，最重要大家保持正面谂法向前行，电视及电影业都继续努力。

诚心上香 华哥诚心上香，望全世界人身体健康，疫情尽快完结。

 

快手快脚 疫情下华哥拜神都加快手脚，唔好逗留得太耐。

 

唔认系呷醋爹哋

由于英国疫情严峻，华哥的囡囡Ella暂时留港求学，本报记者得知愈大愈靓的Ella是就读的国际学校「校花」，获好多系出名门的男同学追求。最近Ella被拍得与少男齐上车，被传情窦初开。华哥强调囡囡未拍拖，「(Ella)拍拖唔会唔话我知，我哋乜都倾…」不过，当记者告诉华哥，Ella系好有异性缘嘅「校花」时，华哥马上碌大双眼，既紧张又带点疑惑说：「唔系喎！我感觉唔到喎…哈哈…冇呀冇呀…」至于呢个呷醋爹哋系咪唔Like囡囡咁早拍拖，就算提吓都会黑面呢？华哥就澄清当日接受记者访问谈囡囡绯闻时并冇黑面，他笑住变「腰果眼」说：「我冇黑面，你睇我眼神就知我有几开心啦！个女愈嚟愈大，同佢倾多啲密偈好啲。」语毕，他又自爆一句：「希望个女唔好咁快大！」

御用摄影 华哥系Ella御用摄影师，点知被投诉影得唔够靓。

 

索爆二代 「索爆星二代」Ella唔止样靓，仲有完美曲线。

真系好锺意香港
华哥之前离港8个月，表示好挂住家人及香港嘅海岸线：「我同Ella都好锺意香港，香港真系一个好有特色好靓嘅地方，有好多有线条嘅建筑物，构成几何图案，疫情过后希望世界各地多啲人嚟香港。」华哥更打算明年出一本结集散文、摄影及绘图的画册，他会影吓香港嘅冷巷及地道建筑物等，将香港美好一面话畀人知：「𠵱家大家都要坚持住，欣赏吓身边景物有几靓，希望疫情快啲过。」问到摄影画册中会否加入几张由他操刀嘅Ella靓相？他却说不会，坦言曾被囡囡投诉：「佢嫌我影得唔够专业唔够靓，佢哋(母女)呢方面嘅观察能力比我强，我摄影仲有进步嘅空间。」

再出画册 华哥喺2017年出过第3本摄影集《香港.别的风景》，他打算明年再出画册。

 

金鹰视帝 华哥曾凭剧集《澳门人家》获封中国金鹰视帝，他希望继续拍多啲好戏。

8亿票房 华哥演出嘅电新片《误杀2》喺内地累积咗8亿票房，片中华哥饰演一位平凡嘅老警员。

天生一对 华哥跟琦琦都锺意鲜花，过年前去咗花农影靓相。

新年礼物 华哥为咗冧妻绘画嘅老虎图，画功唔错。

 

华哥大作 华哥镜头下嘅保育建筑物蓝屋仔。

拍戏胜地 华仔话香港系个美丽地方，应该多啲喺香港特式街道取景拍戏。

立即下载 | 全新《星岛头条》APP : https://bit.ly/3yLrgYZ