IT狗丨导演简君晋出Po多谢凌文龙爆差啲因档期冇得合作

2022-02-06 08:30

ViuTV《IT狗》前晚（4日）播完大结局，题材贴地、搞笑得嚟又有深度，加上起用大量新演员担正都获网民大赞，更有网民希望导演简君晋用原班人马再开剧。剧集大获好评，各演员都在IG分享感想，导演简君晋昨日（5日）也在IG打感想及分享结局后开live、第一次与演员围读及考察start up的片段。

《IT狗》前晚（4日）播完。

《IT狗》导演简君晋于IG出Po讲感想。

简君晋于IG表示由执导的第一套电影《当C遇上G7》至今已经10年，过往与很多project擦身而过，今次之所以拍得成《IT狗》，其实都系多得老友罗耀辉一句：「要唔要试吓俾故仔ViuTV？」最后促成与ViuTV的合作。简君晋称：「上一次记招遇见鲁生，亲口向佢道谢，鲁生反而好客气咁向我哋团队讲多谢，仲同我讲佢睇rough cut嘅时候已经几锺意，感谢鲁生鼓励及ViuTV提供咗一个舞台俾我哋。」另外他也很感谢一众幕后人员。

简君晋执导的第一套电影是《当C遇上G7》。

他又特别多谢饰演主角叶念信的凌文龙：「佢担当起带领观众体会《IT狗》世界嘅重任。记得当初差啲因为撞期而无法演出，佢又担心过自己寂寂无名，冇办法担当一套剧集嘅主角。其实我哋成个班底都系寂寂无名，经验都未够，多谢佢信任，当佢应承咗出演，佢真系会完全地付出，感染每一位演员及工作人员。」他因拍《IT狗》多咗一班好朋友，笑言希望唔好咁快反面！最后亦多谢观众。