独家丨姚乐怡24岁细佬英国Master毕业激似吴尊王浩信混合体

2022-02-05 20:00

现年48岁的前TVB艺员姚乐怡（Sherming），自2012年与圈外老公吴俊匡（Alan）婚后淡出幕前，仍不时在社交网分享近况及生活点滴，例如与老公一齐凑囡囡Gaibe（小鸡髀）的家庭照，又有跟「七魔女」相聚的开心片段。

其实Sherming还有一位比她细24岁的弟弟，日前她在社交网上载一段弟弟抱住猫，对住镜头回眸一笑的短片，虽然衣着打扮好「街坊」，但靓仔样就被网民激赞是「吴尊和王浩信」混合版，留言：「细佬咁靓仔结婚未」、「弟弟越长越帅」、「弟弟好帅，可以出道了」。过去Sherming亦曾上载姊弟合照，一家人去旅行，又会一齐庆祝生日，但儿时的弟弟肤色偏黑，现已长大成人，今年24岁的细佬变得愈来愈靓仔。

姚乐怡细佬好听话，家姐叫佢拍片就拍片。

唔笑个样，又真系有啲似吴尊。

Sherming透露细佬去年刚在英国读完Master，现在喺深圳任职IT。

打扮好朴实。

年前去英国读书。

细佬细个好黑。

Sherming今日接受《头条娱乐》访问，透露弟弟名叫日豪，英文名叫「Yahoo」，作为家姐得知弟弟获网民激赞亦感自豪：「佢OK㗎，我细佬嚟㗎喎！」她表示拍片是因为一时贪玩：「因为抖音有个热门话题，但就一定要有细佬喺身边，我细佬就喺深圳，边个话唔喺身边唔可以？我就叫佢拍条片畀我，我再用手机翻拍罗。」

她透露弟弟去年刚在英国Master毕业，现在深圳任职IT行业，前途无限。她说：「佢上年先透过Zoom写完论文毕业，返咗份IT工半年，可以喺香港或深圳返工，咁当然返深圳人工会较好。」问到弟弟可会入娱乐圈？Sherming笑说：「佢乌啄啄㗎，如果真系有人搵（拍嘢），我就做佢经理人啦！哈哈！其实佢好纯品，去英国读书时，每日都会打video call畀爸爸妈妈，如果我个女将来咁sweet就好嘞。」