张新悦一家六口拜年 军训式讲贺词不断NG

45岁的张新悦 (Nicola)于07年嫁畀杨哲安，婚后生咗四个囡囡，目前分别12岁、10岁、6岁以及3岁，一家六口相当热闹。不过全家出街嘅日子，张新悦就唔会带埋家佣出去，原因相当特别，「其实个理论好简单嘅，首先姐姐已经系廿四小时留喺屋企，但我唔系成日喺屋企，咁如果我嘅小朋友出街嘅时候都有姐姐喺度嘅话，咁其实佢就做咗佢阿妈啦！」

 

张新悦经常上载全家福到社交平台。

 

杨太嘅逻辑都几特别，不过睇佢叫家佣姐姐拍贺年片段，都知佢啲性格比较古怪。就咁嘅，张新悦安排四个女各自讲一句贺词，由爸爸抱住嘅细女Lola开始讲，然后三女Leah再到次女Lily，跟住系大女Lucy，最后全家一齐讲国泰民安，由于大女讲咗细女嗰句恭喜发财，同埋细女冇望镜头，搞到NG咗几次，负责拍摄嘅家佣姐姐问使唔使Cut，靓妈就有啲劳气话唔使，录拜年片搞到军训咁，小朋友会唔会好大压力㗎?
 

企好队形齐拜年。

 

因为唔齐再嚟过。

 

大家姐讲咗细妹嗰句又嚟过。

 

二女及三女企前面想闹交。

 

细女唔望镜头又要再录过。

 

揸机嘅佣人姐姐问使唔使Cut，女主人有啲劳气话唔使。

 

3岁细女都系唔望镜头，要爸爸指示再录过。

 

终于录完，因为女主人话唔好cut，姐姐拍完都无cut机，所以个尾影晒啲脚，张新悦照放出嚟。

立即下载 | 全新《星岛头条》APP : https://bit.ly/3yLrgYZ