陈炜对未婚夫有赞冇弹受疫情影响婚礼见步行步

2022-02-02 07:00

日前陈炜拍摄娱乐新闻台贺年节目，接受主播许文轩(Edmond)访问，大谈过年感受。炜哥表示母亲属北方人，以往年三十晚也会包水饺，她说：「过年一定食得丰富啲，不过人愈大愈想过得简单，之前都有好多人想试我手势，试过亲手煮鲍鱼、花胶、鹅掌，将炜哥的味道送去朋友屋企，大家都好开心。」

谈到与男友的婚礼进度时，陈炜表示一切交由好朋友兼设计师何国钲负责，她说：「我哋嘅感情好似两兄妹，佢拍心口话要帮手，而家疫情严重，唔知到时点，见步行步。」对于男朋友，炜哥有赞冇弹，她说：「以前请朋友返屋企，我屋企啲猫会立即匿埋，但我第一次邀请男友到我家时，佢哋好乖，仲帮我招呼男友，我觉得呢个系奇妙嘅缘份。佢冇养过小动物，本身仲对猫毛冇敏感，佢宁愿自己痕，都帮我照顾佢哋同喂佢哋食嘢，佢仲成日喂，搞到佢哋好肥。」问到男友为自己做过最惊喜的事，炜哥说：「求婚真系令到我好惊喜，本身佢性格系多过四个人以上嘅聚会佢就会哑咗，佢个人比较锺意聆听，估唔到佢叫晒我啲朋友嚟见证求婚，仲要唱歌，佢真系鼓起好大勇气，令我好感动。」

陈炜希望虎年身体健康，她说：「老公畀好大自由度我，佢支持我继续工作，我希望可以做多啲唔同类型嘅角色，希望有多啲变化畀大家睇，特别对人物传记角色好有兴趣。」