郑隽熹跳唱𠱁康华开心取材七线艺人亲身经历拍成短剧

2022-01-27 07:00

由陈俊坚、郑隽熹、程浩骏、林浩文及姚宏远五位七线艺人担大旗的TVB话题综艺节目《七线人弃王》，一连十集的足本版已在myTV Gold全套上架。当中有不少搞笑短剧，有20多年演出经验的康华饰演训导主任，戴眼镜Miss Look打扮相当养眼。短剧讲述康华Miss轮流召见五子，五子不但全程没有悔意，更先后向Miss做出多项「犯规」动作，包括唱情歌、跳劲舞、送肉嘴、派心心及宽衣解带等，原本一脸严肃的康华，被五子搞到啼笑皆非。

五子事后受访时，坦言拍摄初期表现拘谨，更Dead Air足一个上午：「后尾我哋同康华终于打开到话题，发现原来佢好funny同nice。佢只系一开始唔敢同我哋讲嘢，因为觉得我哋太认真。」为逗康华开心，五子拍摄前做足功课：「我哋上网搵资料，发现康华有首歌叫《拼火花》，我哋就不断咁练佢首歌同学佢跳舞。最后阿熹就喺佢面前唱番佢首歌出嚟、同跳番只舞佢睇，康华好开心。」

康华呢个Miss Look都几吸睛。

郑隽熹基本上一开口唱歌，康华已好想笑。

姚宏远都好进击吓，叫康华Miss帮佢搽油。

陈俊坚作状送吻。

另外，徐荣在「见家长」短剧饰演爸爸，而锺晴就饰演女儿。剧情讲述七线艺人程浩骏前往见女方家长，当阿骏自我介绍完毕后，徐荣即苛刻连番质疑：「做电视台点搵到钱架？！」、「我个女食好住好，唔易养架！」、「你年纪都唔细啦」，纵然阿骏一再强调自己会积极进取，徐荣还是「听唔入耳」。程浩骏透露短剧八成内容是取材自其亲身经历，并十分感激艺训班师兄徐荣客串演出：「佢一直都有鼓励我哋，又教我哋好多嘢。佢都有睇我哋youtube频道嘅片，周不时畀意见之馀，又成日问我哋几时预埋佢一齐玩，真系好好人、好冇架子。」