独家丨张伟文再接受腰椎手术双脚有返啲力经理人方俊好感动

2022-01-26 12:00

因爆发第5波疫情，「靓声王」张伟文馀下两场本月12日及14日嘅《友情有义演唱会》被迫延期，张伟文好友兼经理人方俊(Aman)只望改期不会影响到票房，因为张伟文会用今次的演出歌酬来付担6位数字嘅腰椎手术费。

Aman呼吁fans要力撑张伟文，可以嘅话就唔好退飞。

去年底张伟文顺利举行首场个唱邀得姚炜做嘉宾。

强壮肌肉后试行

张伟文年前患病不良于行，幸得友人、歌迷等支持，当中乐坛好友Aman出钱出力，关心他健康、起居饮食，对伟文照顾更是无微不至。Aman认为有健康最重要，尤其想改善到伟文嘅生活质素，出入唔使依赖轮椅，所以按脑脊椎专科蓝医生提议，原先安排张伟文完成个唱后入院接受微创手术，执走压住张伟文神经线嘅软骨，希望术后对伟文有帮助，有返脚力可以企返起身喺舞台唱歌。虽然最后有两场个唱要延后，但手术如常上周进行。昨天Aman陪伴咗张伟文去覆诊，医生指张伟文手术成功，不过有待做物理治疗强壮返啲下肢肌肉，才能尝试步行。

张伟文为自己有返啲脚力鼓掌。

张伟文即时郁动双脚给Aman睇。

两人感谢主诊蓝医生。

Aman望大家集气

昨天见张伟文清减咗，Aman指张伟文手脚冰冷，血气唔够，要给他补品。不过，张伟文却显得相当风骚，除拍晒手及竖起手指公为自己打气外，不时展露开心笑容，仲好好唱口。Aman追问张伟文，做完微创手术有冇好转呀？只脚郁得有冇好啲呢？张伟文即点头回应话有，更示范转动双脚脚踝说：「好返好多罗，再冇麻痹嘅感觉，不过，有时攰就会有啲麻。」Aman见伟文表现咁好都表示满意及感动，更补充说：「佢真系好返好多，以前上落要托住佢对脚㗎，希望大家集气畀伟文，同埋祝大家身体健康，新年快乐。」张伟文碌大双眼不停笑住哼歌，几年来难得有咁精灵。