姜涛KOL「契姐」雪姨比较盆菜片被批 市集爆退租潮

姜涛之前称早于初出道就认识富贵KOL雪姨（容可儿），二人感情好到姊弟咁，只差未上契咋！「契姐」雪姨近日自制公关灾难唔知好细佬有冇关心吓对方呢？星期四晚（20日）出咗条YouTube片，将酒店推出的盆菜与一间茶餐厅推出的盆菜作比较，片中劲踩茶餐厅盆菜的食物质素就惹来网民狠批，指雪姨为帮酒店盆菜卖广告，踩到平民版盆菜一文不值。最终雪姨都删片谢罪，并于IG出Po向该茶餐厅道歉：「我们已经即时果断地将影片下架，并作出内部检讨，今次的事件正正为我及团队上了一课。」

 

姜涛同雪姨情同姊弟。

 

雪姨用酒店同茶餐厅作比较，狂踩茶餐厅盆菜难食。

 

雪姨出Po道歉。

 

不过做过嘅嘢又岂会因为删片，就令网民即时忘记呢！自制公关灾难更波及自己啲生意。由雪姨有份主办嘅新年市集传出受事件影响，而引发退租潮。市集其实于星期五（21日）先开始卖嘢，而有份喺市集卖嘢嘅UFO达人卓飞，今日在facebook爆粗称已经决定不再喺该市集摆档，又以「臭X」及「八婆」形容雪姨，话要即刻返市集执嘢添呀！ 

 

雪姨被称为富贵KOL。

 

出片被批评，连带雪姨做搞手的新年市集都爆退租潮。

 

UFO达人卓飞（左一）都有喺雪姨个市集开档，佢已经话唔会再喺呢个市集摆档。

 

卓飞

 

卓飞爆晒粗，佢真系好嬲呀！

 

邵子风都留言批评。

 

个市集嘅官方FB都被网民留言闹爆。

 

立即下载 | 全新《星岛头条》APP :https://bit.ly/3yLrgYZ