谷德昭《爆谷一周》首播获好评网民求邀查小欣做嘉宾

2022-01-23 16:00

谷德昭主持的ViuTV访谈节目《爆谷一周》昨晚（22日）首播，其实早前节目公布开播日期已经引起网民讨论，因为个节目名同2012年由资深传媒人查小欣主持的TVB节目《爆足一周》好相近，不过该节目只播咗4集就被腰斩，原因相信是被网民围插冇料爆有关。

查小欣主持的《爆足一周》于2012年播出。

节目播咗4集就宣布腰斩。

而《爆谷一周》播出首集，明显节目性质同《爆足一周》完全唔同，网民都大赞好睇，而且因为太耐无呢类访谈性节目而感有趣，但亦有网民搞笑表示希望谷德昭请查小欣做嘉宾，未知网民是否好想知《爆足一周》腰斩的内幕同查小欣的感受呢？

谷德昭主持的《爆谷一周》昨晚（22日）首播。

网民大赞好睇。

有网民想睇查小欣做嘉宾。

而昨晚（22日）《爆谷一周》播出起首，谷德昭就分享制作这个节目的原因：「主持《纳米无明火》认识到一个好好嘅团队，我哋好想好开心咁再合作落去，所以我哋决定搞一个，好心地、贴地、希望有正面影响嘅节目。」而第一集谷德昭就请来昔日好拍档吴君如，以及与她合作拍贺岁片的Edan（吕爵安）、郑晋轩导演做嘉宾。

谷德昭去年主持《纳米无明火》大获好评。

首集请来吴君如、Edan及郑晋轩导演做嘉宾宣传贺岁片。

吴君如一出场就与谷德昭聚旧，二人忆起昔日一同主持电台节目《哗！哗！哗！打到嚟！》及拍电影的趣事，二人互动非常搞笑。其后又请出Edan一起聊天，当中吴君如谈到选用Edan的原因：「我睇返啲（试镜）片，佢真系做得好自然。」当时Edan才刚拍完《大叔的爱》，得知有幸获电影试镜机会，都非常开心，又称起初不知道是贺岁片，亦不知卡士咁强劲。

郑晋轩导演分享与吴君如点解会合作拍贺岁片。

虽然电影未上映，不过主持谷德昭表示早已抢先睇咗，并指Edan演得好好，更指Edan一定会被提名金像奖新人，而其中一幕Edan爆肚一句：「粉丝好食！」更令他笑到完场。吴君如就代为解释「粉丝好食」这句双关语Gag的由来：「我哋戏中有个演员食斋嘅，我哋大鱼大肉，但嗰位演员就成日叫人买粉丝佢食，我每日见到佢都系食米粉同粉丝，我话佢『你又食粉丝』，佢话『粉丝好食呀』。跟住佢话『死嘞，讲漏咗嘴添，咁敏感，唔讲嘞』，之后我返屋企谂咗一晚，几好笑喎。」引来全场观众爆笑，网民都表示好想知呢位演员系边个呀！