叶佩雯家有怪狗行半个钟企半个钟唔愿返屋企

2022-01-22 02:30

郭伟亮(Eric Kwok)及叶佩雯(Grace)结婚10年，一直未有计划生小朋友，多年来两公婆keep住养狗仔，人狗生活不知几happy。因为Eric Kwok搵到，郭太唔使做，全力凑狗同研究烹饪，最开心唔系Eric系白威狗狗「金菠萝」，因为阿妈多时间又成日整好嘢佢食。

郭氏一家三口。

叶佩雯成日带只狗四围去玩。

每日Grace都会带「金菠萝」落街，但寻日带咗两次，然后「金菠萝」每次去到一个位都唔肯走，咁做阿妈嘅就惟有陪佢喺度等。「等到我都攰啦，咁我咪同佢讲返屋企啦！你睇吓佢个眼神，几咁凌厉。」对于自己爱上一只不回家的狗，Grace表示无奈，仲话行咗半个钟另外半个钟唔郁，阿妈都忍唔住问狗狗:「究竟约咗边个啊?」