舒淇执屋两个钟好似冇执过金像奖同水煲放埋一齐

2022-01-21 21:00

舒淇中台两地飞咗两年，1月6日终于返香港，两年冇见两只爱猫，相信佢返到屋企应该日揽夜揽，揽足两星期终于要开工，即系过年前大扫除。

搭飞机返港开心饮香槟。

舒淇一返到屋企狂影猫Po上IG。

都系影猫，仲话爱猫唔惊蜘蛛侠。

舒淇同冯德伦间屋有两层，佢寻日执嘅系第一层，有两间房，有个厅又有电视同一个矮柜，其中一间房放满鞋盒，而矮柜上摆满好多「立杂嘢」，有三个水煲，有Figure，同埋一个金像奖，舒淇分别喺97年及99年拎过两个最佳女配角同一个最佳新演员奖，唔知同水煲共存嘅系边一个奖呢?然后喺厅中间有个行李箱，楼梯旁又放满鞋盒，如果执咗两个钟都仲系咁乱，冯太执嘢真系几慢喎。