独家丨薛家燕尴尬拒谈玄机不可泄露 李居明踼爆跟A君感情生变

2022-01-20 23:00
李居明踼爆家燕姐跟A君感情生变。
李居明踼爆家燕姐跟A君感情生变。

受疫情影响,香港与内地来往受限制,薛家燕与长期喺内地营商嘅圈外男友「A君」的关系亦起了变化!日前玄学家李居明为家燕姐测算虎年运程时,李居明惊爆家燕姐跟「A君」的关系亮起红灯,指呢几年家燕姐的老伴著咗火烧走咗!搞到家燕姐尴尬笑住打圆场说:「疫情关系,大家唔好行埋住!」采访:方骞平 摄影:叶君海

被李居明爆情变,家燕姐笑得尴尬。
被李居明爆情变,家燕姐笑得尴尬。
李居明成为家燕姐御用风水师,不时指点迷津。
李居明成为家燕姐御用风水师,不时指点迷津。

日前薛家燕联同港姐宋宛颖、周志康、李居明喺尖沙嘴码头钟楼拍摄TVB节目《新春开运王》外景,节目中李居明提到虎年喺睡房西南方,放置一个金色圆形有秒针嘅闹钟能有助风水效应,全年就会行好运。 

周志康、李居明、家燕姐及宋宛颖喺尖沙咀钟楼拍外景。
周志康、李居明、家燕姐及宋宛颖喺尖沙咀钟楼拍外景。

2028年先再有恋情
去年9月,李居明踢爆陈自瑶(YoYo)与王浩信已分手,仲爆响口话有人唔想复合,搞到YoYo劲尴尬。日前《新春开运王》外景探班,李居明对本报记者表示家燕姐感情生变:「佢一直紧张有冇老伴,但呢几年佢老伴著火烧咗,暂时冇,直至2028年8月,不过未必会结婚。」记者追问家燕姐系咪同男友分咗手时?家燕姐笑得相当尴尬:「唔讲唔讲,守下秘密,玄机不可泄露,疫情下大家唔好行埋住…而且年纪咁大唔会结婚喇…」李居明再「追击」:「我知道晒但唔讲得,家燕姐我一定会同你守住呢个秘密…」家燕姐唯有笑住答:「多谢。」

李居明曾爆陈自瑶料。
李居明曾爆陈自瑶料。

另外李居明叮嘱家燕姐两女石佑珊及石耀珠要把握呢两年时机搵男友,因为两女孤芳自赏较难物色对象。另指家燕姐喺兔年会再做嫲嫲,而添个女孙会助儿子石耀庭催运,儿媳最好喺晚间11时至凌晨1时行房。

家燕姐好心急两个宝贝女有冇拖拍。
家燕姐好心急两个宝贝女有冇拖拍。

 

大师建议家燕姐儿媳喺晚间11点至凌晨1点努力造人。
大师建议家燕姐儿媳喺晚间11点至凌晨1点努力造人。

 

家燕姐想新抱为孙仔添个妹妹。
家燕姐想新抱为孙仔添个妹妹。

立即下载 | 全新《星岛头条》APP : https://bit.ly/3yLrgYZ

關鍵字

最新回应

關鍵字

相關新聞

热门文章