独家丨黄庭锋未敢做黄宗泽接班人 靠台庆51万现金巨奖荣升业主

今年黄庭锋凭剧集《把关者们》演殉职消防员打入今年台庆颁奖礼「男飞跃」6强行列，虽然第三度落败该奖项，但他一啲都冇失望，形容入到围经已好惊喜，反而TVB台庆带畀佢好多嘢，尤其喺4年前抽中51万现金巨奖，他就再补贴首期，买咗天水围一所屋苑楼花，今年元旦日收楼。采访：方骞平 摄影：沈健程

TVB近年力捧年青演员，黄庭锋正在上位中。

 

黄庭锋喺元旦日正式收楼做业主。

 

黄庭锋有才华有内涵。

黄庭锋赛前都睇好罗天宇、丁子朗系「男飞跃」得主，果然冇跌眼镜。对于再度失落「男飞跃」奖，问到可会感到失望时？他就大方说：「唔紧要喇！我会继续努力，攞唔到『男飞跃』绝对系意料之内嘅事，其馀嘅对手都非常之出色。」

今年台庆他跟冯盈盈及何依婷行红地毯。

搬入新屋独居
33岁嘅黄庭锋日前正式荣升为业主，他相当兴奋：「拣1月1号收楼感觉会更加特别，亦都多谢公司送呢份大奖畀我，我终于都收到楼可以做业主型返一次喇！希望试吓独居，独立一吓，每月供楼系支出多咗，幸而暂时顶得住，希望有多啲嘢做帮补吓。」

黄庭锋喺《把关者们》中火场殉职戏令人感动。

 

黄庭锋喺元旦日正式收楼做业主。

黄庭锋在TVB新剧《OPM》首当男一，最近拍紧嘅《法证先锋V》同黄宗泽(Bosco)有好多对手戏，被指受力捧成为Bosco接班人，黄庭锋笑说：「我唔敢话系Bosco接班人，前面仲有好多人排紧队！」4年前两人合作拍过《守护神之保险调查》：「Bosco好记得我，尤其当时我同欧铠淳喺严寒落水，游到口唇发紫。」黄庭锋好欣赏Bosco嘅演出风格，既轻松又认真，令剧组都觉得好舒服。

同汤洛雯及Ben Sir等刚拍完TVB新剧《OPM》，黄庭锋首当男一。

 

黄庭锋未敢做黄宗泽接班人。

 

他和欧铠淳拍《守护神》时喺严寒落水。

 立即下载 | 全新《星岛头条》APP : https://bit.ly/3yLrgYZ