Juicy叮｜男同事初四请假放到初七 自爆:老婆唔想我派利是
2022-01-16 11:18 
农历新年将至，又是已婚打工仔向同事派利是的时候。不过，有网民指公司一名已婚男同事申请年初四放假，一直放假到年初七，更自爆是妻子故意要求，避免要向未婚同事派利是，令事主不禁觉得此举好「核突」！
有男网民在「香港讨论区」发文，指公司一名已婚男同事在去年农历新年后入职，上月底已申请年初四（2月4日）放假；由于今年农历新年初一至三为星期二至四，初四请假即可「连放6日」，直至年初七（星期一）才上班。
事主日前查看月历发现该名男同事请假，便多口询问原因，追问「系咪为咗放多几日假呀？」怎料对方竟自爆只为避免派利是，「（佢话）纯粹因为佢老婆唔想派利是畀未结婚同事，所以叫佢攞假，到星期一返工嗰阵都已经初七（2月7日），唔使再派利是」。
其后有人问该名男同事，之前在其他公司任职时，是否同样会为了避派利是而请假，对方直认不讳，又指「之前冇疫情就会去旅行，连亲戚朋友啲利是都可以悭返」。
事主指该名同事并非上司，本来亦没预计对方会派利是，直言「大家咁高咁大，派唔派都冇所谓啦」，但不禁形容对方的妻子「核突咗罗」，又认为派利是一份心意，应在心甘情愿的情况下派，「派唔派都系心意，讲真大家都系同事，都唔好意思收佢嗰封。心意嘅嘢，派要派得心甘情愿，好多人都系有著数先会同你讲嘢」。
帖文引起网民讨论，不少人都批评该名男同事「唔识做人」，「做人做到咁，真系冇乜意思」、「一封利是都系十蚊廿蚊，咁都唔X派，你唔系穷到咁下话？」、「其实唔派都无所谓啦！讲埋出嚟好似肉酸咗」。不过有人认为此举并无不妥，「其实派唔派有咩好讲，我以前公司有几个同事，从来唔会派，大家讲句恭喜发财，开开心心就得，个100几十有咩紧要」。
亦有网民对派利是文化感到困惑，「我觉得现在派利是有时候好尴尬？究竟系已婚要派畀未婚，定系级别高派畀级别低？已婚人是否要派畀未婚上司？未婚人又是否要派（畀）已婚下属？」
资料来源：「香港讨论区」
立即下载 | 全新《星岛头条》APP : https://bit.ly/3yLrgYZ
最新回应