独家丨陆永同老婆冇乜两句疑闹交 撇低两个女去买礼物

陆永唔经唔觉39岁，同老婆Reina结婚11年，大女都就嚟10岁，所以陆永嘅社交平台都无再PO囡囡啲相，亦好少更新，愈嚟愈低调。日前，见到陆永两公婆去咗又一城行街买礼物，两人各有各行冇乜交流，之后食饭睇戏离开亦冇拖手，甚至行到离行离迾，唔通闹咗交?
采访:谭壹致

陆永有两个女，分别系大女Hannah及细女Kenzie。

陆永同老婆Reina结婚11年。

两年前，陆永同C君因为密密拍摄多辑《 Do姐有问题》及《 Do姐去Shopping 》等节目，成功上位搵真银，一家四口加猫猫细屋搬大屋。最新有同J2台创意总监C君、林盛斌及麦美恩主持J2节目《各位观众4 条倾》，最新一集大爆出席大型颁奖礼时遇过嘅趣事，都几好笑㗎。

 

唔好嬲啦
当日两公婆着住啡色衫，衬晒色行LOG-ON，见两人一入店就各自行，系咁睇啲Figure同摆设，似系买嚟做礼物，拣咗15分钟就拣咗一堆，因为陆永老婆发现记者影佢老公，然后陆永就拿拿临畀钱，再急急脚行去餐厅攞位等老婆，入坐后陆永又出返嚟行去戏院买飞睇《蜘蛛侠不战无归》，食完就去睇戏，散场后离开，不过，两公婆成程都冇乜交流，又唔拖手，又冇贴住行，等Lift又前后企，咁嬲咩?

商量买咩礼物，算系最有交流嘅一次。

两公婆拣礼物各有各睇。

陆永买咗成袋礼物。

陆永攞咗位就去买飞睇戏。

买完礼物，陆永自己行去攞位先。

两公婆冇乜倾偈。

两人行到离行离迾。

等Lift都前后企。

 

 

 

立即下载 | 全新《星岛头条》APP : https://bit.ly/3yLrgYZ