防弹V放大假狂玩IG Po女友视角玩狗片冧死Fans

2022-01-15 09:00

去年12月初，韩国天团防弹少年团（BTS）于美国洛杉矶完成4场大型演唱会后即放大假，缺席所有年底的韩国颁奖礼。防弹原本会出席本月31日举行的第64届格林美颁奖典礼，但因新冠变种病毒令全球疫情告急而宣布改期，有份角逐今届最佳流行组合/团体演出奖的BTS亦取消原定赴美行程，弹仔们将继续放大假。

BTS其实几好彩，开完演唱会后美国又爆过疫情。

一开始放大假，防弹已开设人生首个个人IG，成员们都玩得好开心，Po得最多系队长RM同J-hope，有片有相又有Story，最开心当然系全球嘅ARMY(粉丝昵称)。

世帅金泰亨(V仔)有爱犬「媒炭」，曝光率都好高，V仔最新嘅IG Story又见到佢。一身家居服嘅V仔坐喺床边背住镜头同「媒炭」玩畀手手，畀完再钖钖，然后V仔嚟一个回头望，完全女友视角，ARMY叫晒救命，Loop到电话就嚟烂咁话。
除咗玩狗狗片，V仔亦上载佢20年搭地铁嘅片，同埋佢好锺意嘅大头自拍，今次唔系啱啱瞓醒，又唔系成面须，系一个好怪嘅笑容。