独家丨陈晓华靠学戏开频道练习压力爆煲开工偷偷喊

2022-01-12 21:30

剧集《异搜店》是陈晓华（Hera）首度担任女主角，她承认拍这套剧时心情特别复杂，除了戏份多压力大外，正值她首部演出剧集《迷网》收到大量负评，她自爆拍摄时一度压力爆煲，搞到开工期间偷偷喊。不过被何广沛大赞EQ高的她，好快积极面对，搵老师进修戏剧外，还开个人网上频道作为练习。采访：杜淑霞摄影：叶君海场地：Urban Coffee Roaster

Hera拍《异搜店》一度质疑自己演出永没进步。

Hera跟何广沛再次合作，感激对方经常提点他。

广沛接受《头条》访问透露Hera拍《异搜店》时虽然压力大，但完全冇影响工作情绪，但原来Hera一度压力爆煲偷喊，「有次可能广沛都唔知，有个场口导演好赶时间，讲咗句说话，搞到我质疑咗自己，跟住放食饭时我买紧嘢食突然啲眼泪涌出嚟，就冲咗去厕所喊，整顿好个情绪先行返出嚟，连拍档都唔会知。」Hera坦承已忘记导演所讲内容，但感受却好深刻，「当时感受系『死啦，我系咪呢一世都系咁，啲反应畀唔够，做嚟做去得呢个感觉』，但喊完食饭又冇事，可能喊完释放晒。」

Hera早前有跟彭秀慧上堂学演技。

Hera在YouTube开设个人频道「Hera Chan陈晓华」。

恨着古装做打女

Hera被评戏屎后，已即搵两名戏剧老师恶补，而为了有更多实践和锻鍊机会，她更在YouTube开设个人频道「Hera Chan陈晓华」，「我最终都系想做个好演员，但点解开频道？都系想记录吓自己生活，锻鍊吓自己剪片技巧。（口才呢？）呢个都有好大好处，因为系现场收音，听到自己瑕疵，将来睇吓自己会唔会讲嘢好咗，同埋剪片都进步咗。」

柔软度好高的Hera，相信拍动作戏有一定帮助。

2020年Hera演出首部剧《迷网》，被网民狂踩戏屎。

刚踏入2022年，Hera的新年愿望都是想拍更多剧集，「想挑战吓古装，或者试多啲特别嘅职业角色。我觉得古装好靓，平时冇机会无端端紥个古装头出街，到而家我都完全未着过古装，最想试吓明朝嗰啲公主look，同埋都想试吓古装嗰种节奏，会慢啲，我个人好急，都想磨练吓自己，可以训练到好似古装人咁讲嘢慢啲、斯文啲、有气质啲。仲有我都想试吓吊威吔，我可以做到打戏，唔怕辛苦，（做打女可能要剪短头发？）就算剪短头发都冇问题，cut晒耳都OK。」