NowhereBoys主音Van夫妇下厨放闪 江𤒹生葡萄扁晒咀

乐队Nowhere Boys队长陈维诺（Van）在YouTube开设频道，与老婆Wendy教煮美食，最近邀请同样喜爱下厨的MIRROR副队长江𤒹生（AK）一齐炮制多款菜式，期间Van喂老婆饮汤放闪，AK在旁葡萄扁晒咀，Wendy安慰他说：「你第时大个仔都得㗎！」

三人合力炮制「意大利红虾油法国蓝龙虾包」、「法国周打蚝汤」和「摩洛哥香草焗羊架配薯蓉」，用了多款贵价靓食材，笑言大时大节落重本自肥。他们分别担任各自团队的正副队长，一边煮一边分享带领成班兄弟的心得，Van坦言：「我啲队友都系艺术家、音乐人，甚至未出去打过其他工，对于管理自己能力麻麻，所以我会管好多嘢，仲做埋经理人，最初觉得乜都我做好辛苦，但学识唔计较之后，反而轻松咗。」他问AK：「想像唔到你哋12个人点样管理？」AK说：「其实我哋唔系用『管理』嚟形容，12个人各有性格，尽力希望大家工作时开心啲、专注啲。Lokman（队长杨乐文）引领大家提升效率。我著重心灵，例如觉得边个好似有啲心事就约出嚟食吓饭，做聆听者分担吓！」

AK仍是单身，Wendy安慰佢话：「你第时大个仔都得㗎！」

 

乐队Nowhere Boys队长Van同太太开设嘅YouTube频道，邀请咗AK做嘉宾。

 

拍摄后，Van透露第一次见AK是在音乐会上，当时MIRROR初出已有很多Fans，后来因为共同朋友填词人兼DJ Oscar而常见面，大赞AK勤力又乖仔，跟太太已当对方细佬。他说：「Oscar好锺意叫埋成班朋友一齐食饭倾偈，最巧合系佢好多朋友都来自唔同组合，除咗我哋，仲有C AllStar、HotCha、Super Girls等。大时大节会叫埋佢一齐食饭一齐煮嘢食，好开心！」除了下厨，他们还喜爱同一套动漫，Van说：「第一次交换电话号码后，发现AK嘅头像就系我最锺意嗰套动漫嘅主角，系一套讲夹Band嘅动漫，原来大家都梦想过自己系故事中嘅主角，亦都锺意呢套动漫内同一首歌《Moon On The Water》。」

识煮嘢食嘅男人特别charm。

 

Van话新年要食好啲，自肥一下。

 

立即下载 | 全新《星岛头条》APP :https://bit.ly/3yLrgYZ