Wyman夜拍巴黎飘雪靓景为Fiona新歌制期间限定MV

2022-01-11 02:01

黄伟文同薛凯琪相识17年，一直riend到而家，前者为后者创作唔少大热作品，如《奇洛李维斯回信》、《给十年后的我》，甚至连Fiona出道第一首派台歌《XBF》也由Wyman操刀。

黄伟文同薛凯琪好啱倾，疫情前经常有聚会，

黄伟文举行作品展音乐会，薛凯琪做足六场嘉宾。

最近Fiona与Wyman再次合作推出新歌《月台上碰面》，身处巴黎的后者不忘为好友炮制惊喜，见巴黎落紧大雪，就拍低浪漫雪景，仲见到雪中嘅巴黎铁塔，背景音乐系阿Fi首新歌。Wyman喺IG分享呢段冧死老友嘅影片，仲话填词人呢份工唔易做，除咗写得之外，其馀仲要送好多赠品哈哈哈更以hashtag强调你都唔知我一生送出咗几多赠品哈哈哈哈。

最后Wyman欢迎大家搵啲罐头片剪埋剪埋剪个无歌手嘅MV出嚟同埋@佢哋。有创意嘅朋友不妨玩吓。而薛凯琪收到老友嘅心意，即用英文两度留言：「Thanks for all the love always ! And wait for more clips to come 」，「Ahhhhhh super romantic(心心眼)waiting for one with u in it !!!!!!!。」阿Fi觉得好浪漫又好多谢对方嘅爱，总之好冧。