陈敏之晒冧爆阿妈系列 晨咁早获儿子大唱情歌

陈敏之有仔万事足，平日不时分享母子生活小趣事。转眼雷子乐经已5岁多，唔止靓仔，仲系个醒目仔。昨晚(4日)敏之上载咗条母子温馨片，读紧K2嘅子雷原来已变身「四眼仔」，他晨咁早就做开笼雀，陪妈咪化妆兼送上情歌：「I Love you mami ...mami mamimi mi mi mi mi，mami is my friend... 」敏之即更正系my best friend！子雷随即就跟住讲，仲好乖咁听妈咪讲咀嘴，睇见都冧。

陈敏之同囝囝咀嘴好冧。

 

陈敏之儿子话咁快就读K2。

敏之冧爆写道：「话说今朝0700开工，跟住呢只猪仔，竟然跟我一齐起身话要陪我化妆，咁好啦！记得以前佢细个，即系刚识行嗰阵，我都会放佢喺我大髀，陪我化妆（系我要求）但系今日5岁嘅佢，已经有佢嘅思想，所以我非常甘心俾佢，继续坐喺我大髀化妆，但系佢整首感嘅歌俾我叹，你又叫我点样继续化落去呢，真心唔想出门口。」

立即下载 | 全新《星岛头条》APP : https://bit.ly/3yLrgYZ

子雷长大得好快。

 

子雷已变四眼仔。

 

敏之仲系好索。