Marf开Live自爆曾跟教主学舞 力赞MIRROR想同姜涛再合作

《造星IV》冠军Marf昨日下午在冇预警情况下开IG直播，她指自己啱啱瞓醒，想同大家倾吓计。直播过程中，Marf鼻敏感发作狂呻鼻涕，同时揽住爱犬爆谷再丧食朱古力。直播内容好丰富，包括自爆曾跟教主学跳舞，又透露跟姜涛合作点滴，同时又大赞MIRROR等等。

Marf 在直播被网民问到最锺意边位MIRROR成员？Marf先饮啖水定惊，之后冷静回答欣赏Anson Lo，因为之前跟过对方跳舞，睇住佢呢几年嘅变化。Marf跟住又话欣赏Ian唱歌，又锺意对方低调好随和，又赞Stanley贴地之馀好搞笑，最后又赞Jer唱歌好听。至于AK原本就冇乜特别感觉，直到佢做咗导师先发觉佢好细心贴地。

Marf重复两次称赞姜涛真系好叻，她说：「我一年前同姜涛一齐合作拍广告，曾经做过佢嘅舞蹈员，好神奇两个唔同世界嘅人可以一齐合作。原来佢经历好多嘢压力真系好大。」Marf最后表示对MIRROR其他成员冇咁熟悉所以唔评论嘞！同时又说好欣赏MIRROR，觉得佢哋咁成功一定有原因，并希望可以同姜涛再次合作。

Marf直播其间鼻敏感发作狂擤鼻涕。

揽住自己只爱犬爆谷。

边食朱古力边吹水。

Marf话唔知自己个英文名点解 ，可能系阿拉伯文代表开心快乐喎。

Marf在《全民造星IV》总决赛得冠军同姜涛合照。

Marf自爆跟教主学舞 ，但对方未必记得她。

 

MARF好欣赏MIRROR。

 

Marf曾经跟姜涛拍广告。

 

立即下载 | 全新《星岛头条》APP :https://bit.ly/3yLrgYZ