独家丨汤怡任潘灿良挞落地狂掴兼舔面 拍《致命24小时》凌辱戏痛过生仔

今年先后荣升人妻兼人母的汤怡（Kathy），在即将上映新戏《致命24小时》可谓瞓身演出，戏中Kathy被老公吴卓羲连累，搞到俾仇家潘灿良搵上门，惨遭凌辱足24小时。当中的虐打戏拍足一星期，Kathy日日俾潘灿良狂掴搞到面都肿，由梳化挞落地差点整伤腰骨，仲要冇预警下俾灿哥任舔面，而且全部亲身上阵，加上情绪起伏好大，Kathy形容直情痛苦过生仔。采访：杜杜 摄影：沈健程  发型：Ian Wong@ii salon(Ron)、木子维纳Vena(Kathy)  化妆：Marsha Ma(Ron)、木子维纳Vena(Kathy)  服装：MARK FAST(Kathy)场地：The Crown@英皇骏景酒店

Kathy讲到被虐打过程，搞到灿哥个样内疚又尴尬。

戏中失明的Kathy，仲有着内衣性感演出。

Kathy跟灿哥16年合作ViuTV剧《玛嘉烈与大卫系列 绿豆》演两夫妻后，今次再碰头竟然变仇人，Kathy要俾对方不停虐打，虽然拍摄已相隔两年，她仍记忆犹新，「嗰场戏不得了，对我嚟讲非常之痛苦，我觉得比生仔更加痛苦，因为嗰场戏断断续续拍咗成个星期，有时仲要跳拍，有时正常食吓饭，有时无端端畀佢打，跳嚟跳去啲情绪上好多起伏，同埋都唔够胆太开心，无论返到屋企或者喺片场都好，嗰场戏灿哥都两难，佢真打又唔系，佢唔打又唔系，就位又唔得，所以最尾全部真打嘅。」

Kathy和卓羲戏中表面是恩爱夫妻。

​ 虐打过程—狂掴劲摇 ​

块面掴到红又肿

戏中Kathy整块面被掴到又红又肿，她强调绝非特效，「真系㗎！唔系特效㗎！」卓羲亦补充，「唔系咬绵花㗎！CG都做唔到咁靓啦！」问到被打得这样惨，老公麦秋成会有何反应时，Kathy竟搞笑话：「可能佢想做灿哥个角色呢！？抑压太耐嘛！哈哈！讲笑讲笑！我相信佢都会肉赤，始终见到自己另一半俾人虐打，我自己睇番都忍唔住系咁喊，谂起当时嘅画面同埋好多嘢，嗰时因为太多瘀痕，特登着长抽衫长裤返屋企食饭，惊吓亲屋企人。」

​ 虐打过程—挞落地下 ​

​ 虐打过程— ​从后熊抱 ​

听见Kathy讲，全程表现得劲尴尬的灿哥，被追问如何面对麦秋成时，搞笑答话：「过去咗嘅事就唔好再提！」但他承认最初知演杀手觉得有趣，自己从未试过这类凶残角色，但拍落先发觉是演员生涯中最难演一场戏，「因为啲招真系度唔到，佢（Kathy）个角色又系盲，究竟边一下抽佢，边一下挞佢，度咗大概位置就roll机拍，好多都系即时反应，当时个脑转得好快，潘灿良身份就怪责紧自己点解咁样对待佢，个角色身份就觉得要打落去，内心来来回回人间地狱咁样经历嗰个拍摄。佢弱质纤纤一位美少女，唔忍心，真系打唔落㗎！要狠心先得，打完之后我系好内疚，扯佢头发、掴佢、喺梳化度拖佢落嚟，一拖佢跌咗落地，个心谂冇事嘛！但唔理住做埋先，做埋先至入院！哈哈！」

​ 虐打过程—打到红肿 ​

​ 虐打过程—示威舔面 ​

导演即场加濑面

不过灿哥能放心打，只因Kathy早派了定心丸，「我同佢讲，你真打真做啦！你点样做都冇所谓，拍咗先算啦！因为好多嘢就住冇咗个感觉，又演得唔舒服，睇佢点畀我，咪点样交番畀佢，好多动作系直接谂。不过每次一cut机，灿哥都好关心我。」但舔块面一幕，当时被打到晕晕哋差点休克的Kathy，事前全不知情，「我唔知㗎！导演加上去。」原来灿哥事前也不知，完全是导演叶念琛即场指挥去演，「佢晕晕哋，我又好狂咁摇紧佢，对住佢老公（卓羲）锡佢，跟住导演就喺Mon嗰边嗌出嚟『阿灿舔佢，舔佢块面』，嗰刻佢系突破咗我个人性。」

灿哥和卓羲有不少埋身肉搏戏，卓羲更拍到失声。

升呢人妻及人母的Kathy，强调未来拣戏都不会设限。

灿哥笑指老婆苏玉华有需要会畀钱对方，但平时财政独立。

讲到戏中夫妻全部为钱反目，问到Kathy老公麦秋成身家有冇畀晒她，她笑说：「有啲嘢佢交畀我咪帮佢保管住罗！其实都系for小朋友嘅啫，哈哈！」灿哥笑Kathy几贤妻，她即反问：「你有冇畀钱老婆（苏玉华）？」灿哥说：「梗系有啦！佢需要嘅时候咪畀罗！(平时摆自己度？）我哋各自都好好保管自己啲嘢嘅，哈哈！」见Kathy和灿哥大讲另一半，仲单身插不到嘴的卓羲坦言好羡慕，「睇到都几幸福，都恨㗎！但随缘啦！」

汤怡觉得老公麦秋成睇见她被打，应该好心痛。

灿哥对于出手狂打汤怡，觉得非常内疚。

卓羲坦言恨拍拖结婚，但一切随缘。