袁伟豪用胡须撩山聪囝囝 张宝儿望到实

陈山聪同老婆Apple于2019年拉埋天窗，婚后生咗个可爱囝囝陈霆轩（Jaco）。Jaco话咁快一岁半，因为个样又得意又靓仔仲会经常做出古灵精怪动作，𠱁到啲星级Auntie Uncle们不知几开心！

陈山聪不时会分享一家三口温馨家庭照。

今日袁伟豪带埋老婆张宝儿去咗好朋友陈山聪屋企，两公婆嚟到梗系唔会放过同Jaco仔玩嘅机会。袁伟豪在IG分享跟Jaco玩嘅影片，并写上：「我谂jaco仔既(嘅)反应点样都好过对auntie胡定欣挂(啩)！」袁伟豪然后再标记#大个仔#先留so#好比面！

 

片中，袁伟豪问Jaco仔，「你有冇须根呀！」又摸住自己啲须，Jaco又点会识答吖，一味眼仔碌碌望住袁伟豪，然后摸摸自己嘅下巴仔，现场传出女士笑声。张宝儿全程得个望字冇份玩，自己生返个咪有排玩罗。

Jaco眼神一脸迷茫劲得意。

 

胡定欣随即IG回应：「你讲咩？」。

张宝儿望实老公同Jaco仔玩，自己生返个啦。 ​

隔个萤幕都睇得出，袁伟豪同张宝儿好冧小朋友，希望佢哋都可以快啲生返个，第日个仔得闲又可以同Jaco大家一齐玩！