Juicy叮｜减肥港女嫌餸菜油腻「过水」 遭男友妈训斥：唔好再上嚟

有正在减肥的女网民在「香港讨论区」上发文抱怨，上男友家食饭时因将餸菜用清水涮一涮，被男友妈妈喝斥以后不要登门食饭，令她不满「点解上咗年纪既人咁唔体谅人?」。

网民称，最近想食清淡点，少盐少油，想减肥，计划已经实行一个月，成功减到磅。近日上去男朋友家食饭时，男友妈妈煮了很多肥腻的菜式，包括凤爪排骨、炸子鸡、烧肉、煎鱼，连菜的外观都好多油份。

发文者称，对方妈妈煮了又不好意思一口都不食，「咪叫男朋友畀碗水我，我冲咗一次水先再食，同埋啲鸡同烧肉都唔食皮。佢阿妈就唔满意咁问我点解要咁样做，我答佢因为我最近减肥想食清淡啲」

 

女网民登门作客，嫌餸菜肥腻用清水涮一涮，结果被男友妈妈训斥不尊重她。示意图片

岂料男友妈妈大发雷霆，「点解唔早啲出声，仲话我咁样好大晒唔食皮，拎啲嘢食去过水好似话紧佢煮嘢唔好食咁」。

发文者不解，如果不好食，就连过水都唔会做，乾脆不进食便可，而男友亦帮忙平息争拗，叫妈妈不要动怒称都是爲了健康云云。

男友妈妈怒不可写，质问是否做小动作去暗示她身为人母不懂照顾家人饮食，之后更斥责「我地啲老嘢煮嘢系咁丰富啦，如果咁难为你，你以后咪唔好勉强上嚟食啦! 去返啲西餐食沙律啦!」。

发文者不能接受，「我家阵又唔系唔食你啲嘢，洗唔洗咁大反应呀！我系屋企咁样做我爸妈都未冇出声啦」。男友叫她过一段时间买份礼物上门安抚老人家就无事，但她仍然感到不忿。

 

女网民登门作客，嫌餸菜肥腻用清水涮一涮，结果被男友妈妈训斥不尊重她。示意图片

不过有网民认为发文者无礼貌，「唔食肥腻嘢早啲讲，又不是初次食饭，唔识尊重人定是沟通有问题。」、「如果减肥，可以食少啲，其实返转，又真系几侮辱架，咁辛苦落心机去煮畀后辈食，点知一啲都唔畀面，一定嬲啦。现在的人，一点人情世故都不懂，只懂想自己。」、「系你不识做人啫，你咁做其实好无礼貌，即系摆话畀人哋阿妈知佢的嘢不好食或不合你胃口。我系花生友见到你咁写都觉得不妥；你一系食少一餐健康餐捱咗佢，一系煮前出声，一系不上去食。你可能直肠直肚，但人家可能会想你系唔系有弦外之音，看来你入世未深，人情世故你不系好懂。」、

有人建议，「如果你讲既嘢系事实的话，我唔会好似你咁做罗，最多只食几件餸多食菜就算，之后话自己畀较锺意食菜，还要施慢食，食到半饱不饿就停。」、「自己屋企人唔同人哋，因为佢唔系睇住你大，唔同环境长大，所以一定会有矛盾，呢个时候你可以话你系自己屋企都系咁，惯咗，唔好意思，你男朋友又可以帮下口。人同人相处系有难度，如果第日同住就惨」

帖文转载自「我都系想食饭食得清淡D，但佢阿妈叫我以后唔好上黎食饭」