独家丨陈敏之商场斋行零购物瘾 同男友人食Tea系咁讲
2021-12-17 01:30Video Player is loading.
42岁的陈敏之唔多剧拍，但就有好多拍综艺嘅机会，好似TVB游戏节目《麻雀斗室三决一》佢都有份。日前下午，陈敏之约咗年龄细佢一大截嘅男友人去又一城食Tea，可能做开综艺，又有自己嘅YouTube频道，好锺意讲嘢嘅敏之全程负责讲，埋单离开仲好热情咁搭住男方膊头一齐行。 采访:谭壹致
男友人细陈敏之一大截，唔怕传绯闻啦。
陈敏之讲嘢好锺意手口并用，好容易整到人。
而家做艺人唔怕冇曝光机会，因为有大量社交平台，做吓LIVE，开个YouTube频道，做KOL搵钱话咁易，系睇吓有冇人睇嘅啫。陈敏之都有开YT，每集请一个星级嘉宾吹吓水， 通常分上下集，见佢开咗两个月上载9段片，都叫勤力㗎嘞。
敏之嘅YouTube订阅人数近三万，算唔错。
讲嘢手口并用
日前下午，陈敏之约咗年青男友人去又一城食泰式Tea，极速食完后两人系咁倾，正确啲讲系女方系咁讲嘢畀男方听，吹完水埋单，离开时敏之搭住男方膊头慢慢行，之后又左指右指示意将会行去边，最后仲张开双手动作多多。变单拖嘅敏之边行边同人语音短讯联络，其间行咗Zara Home、玩具反斗城、睇饰物同埋去咗无印兜个圈，无论家品定玩具，全程得个睇字，游足一个钟先去停车场驾车离开。
食完嘢嘅陈敏之托住头同男友人系咁倾。
陈敏之边讲边搞啲头发。
又去睇咕𠱸，见佢会揿吓测试弹性。
食完Tea单拖去睇玩具。
行过停低睇饰物，睇完橱窗再入店。
最后再落埋无印但都无买任何嘢。
陈敏之主力凑仔同拍片。
關鍵字
最新回应