骆振伟带丹麦老婆上飞鹅山庆生钻石黄金不及一片真心

2021-12-16 09:30

骆振伟(Thor)2019年喺丹麦迎娶拍拖5年嘅丹麦女友Katrine Friis Olsen，婚后嫁夫随夫，一齐定居香港。日前系Katrine嘅生日，虽然冇大肆庆祝，只系两个人简简单单上飞鹅山饮茶，但已经好满足，Thor喺社交网sweet爆留言：「其实快乐好简单，Love You 😙。」仲hashtag：「#钻石与黄金唔及我一片真诚与真心」。

呢张系老婆帮Thor影嘅，都cut咗好多嘢。

好浪漫嘅生日，一齐上山点蜡光，享受美景同饮啖茶。

Thor话呢张相可以贴堂。

Thor话太太已变咗地道香港人，问佢生日想去边，太太用Chinglish答：「想去flygoosemountain（飞鹅山）。」但现场冇烧卖虾饺，真系冲茶饮，并应传统买咗一个好好味嘅蛋糕，而太太亦好浪漫，自备咗蜡烛，而且天公造美，上到咁高都竟然唔系太大风，蜡烛顺利燃点，营造超浪漫气氛。

两公婆当然有亦亲昵嘅叫法，Thor自爆：「我老婆叫我做BEAR，我叫佢做Penguin，都唔记得由几时开始🤣。佢话想买新嘅家俬，所以我送咗个BearCash俾佢，礼物我仲自己包㗎。」佢哋各自帮对方影咗张单人照，Thor帮太太影埋无敌港景，而Thor就得番大头样，Thor笑话：「我问佢点解可以争咁远，佢答返我生日大哂！fine健健康康、快快乐乐，快啲通关等佢唔使思乡。」