独家丨罗天宇晚晚得猫陪瞓暗示冇女 获封女神收割机好介意

罗天宇于TVB台庆剧《十月初五的月光》中饰演当年马浚伟主演嘅「司徒礼信」，天宇坦言剧集带畀佢四重压力，除咗观众会将新旧版本对比外，他性格内敛唔容易投入演出，尤其跟揿掣就喊嘅何依婷合作会比下去，至于和何依婷传出绯闻，他唉了一声说：「无奈到爆炸！」采访：方骞平 摄影：叶君海

罗天宇以工作行先，唔想再有绯闻。

罗天宇唔希望观众将新旧版本《十月初五的月光》作太多比较：「其实只得剧名及角色相同，故事背景同埋情节都有啲出入，如有幕写我赤裸上身喺浴室出嚟，畀何依婷误会我同胡鸿钧有hehe情，呢段戏系新情节都几得意嘅。」他又大赞何依婷好戏：「佢黐线㗎！揿掣式拍喊戏，但我由细到大习惯咗收埋自己情绪，屋企人唔畀男仔喊，所以拍摄时要好辛苦咁迫自己全情投入，早啲去培养情绪。」

何依婷好喊得。

 

剧中何依婷撞破天宇及胡鸿钧有hehe情。

 

羡慕何依婷话喊就喊
天宇透露有场离别戏份，要从后揽住依婷，见女方好快喊紧，佢先至开始流到少少眼泪。「同佢合作好大压力，事后同佢讲『有冇搞错呀咁快喊？』佢反而话『你睇我几专业！』」对于被指「女神收割机」，曾跟苟芸慧、汤洛雯拍过拖，同刘颖镟、苏皓儿等传过绯闻嘅罗天宇，对跟何依婷传绯闻非常介意：「我好易惹绯闻，知道后忍唔住叹咗一口气，真系有啲唔开心，觉得被屈，无奈到爆炸。我唔想畀人以为我系咁换女友，真系女神收割机，其实晚晚得两只猫陪我瞓，所以𠵱家见到何依婷要避忌吓，就算食饭都要坐对角位，我同佢冇feel，而且𠵱家多咗工作机会，要谂清楚先开始一段感情。」

两人避忌食饭但唔介意孖住上搵真银。

罗天宇同何依婷喺戏外玩得好埋。

 

天宇跟汤洛雯拍过拖。

天宇话晚晚得两只猫陪佢瞓暗示冇女。