独家│Hugo唱得但冇唱片公司搵 《造星IV》锺意已被Foul的Sica

丘凯雄（Hugo、Higgo Raj）在《全民造星II》凭优秀的唱功杀入十强，不过十强参赛者，包括：吴启洋（Phoebus）、曾比特（Mike）、张天赋（MC）及欧镇灏（George）都被唱片公司睇中，Hugo坦言冇唱片公司向他招手，所以一直行独立歌手路线。采访：秦咏姿 摄影：叶君海、谭壹致

Heartgrey与Will因参加《造星II》认识Hugo，有感Hugo对于音乐有很多想法。

Hugo（左四）与Heartgrey（左一）有较多音乐上的合作，认为彼此颇有默契。

独立发展也可做好音乐

Hugo现时以独立身份闯乐坛，他澄清其实并不抗拒签唱片公司，但也指出：「我觉得而家个音乐圈子，或者而家做音乐嘅方式，我唔认为一定要依靠大唱片公司先做到好音乐。」问到有冇唱片公司联络过佢，他表示：「真系冇公司搵过我，只系有啲好细嘅经理人公司，但最后都冇合作，因为我想独立发展一段时间先。」 

Hugo（左一）非常感谢CM老师（右二）提携他。

Hugo现时行独立歌手路线。

谈到当日在决赛选唱原创歌《山下见》，Hugo表示节目组没有阻止他表演这首作品。问到会否觉得在决赛表达对社会运动的立场，是令唱片公司对他却步的原因，他认为不是：「我只不过谂可能我嘅音乐作品或者能力唔系大公司想要嘅嘢，又或者我个人性格同形象唔系佢哋要嘅嘢，令佢哋觉得难推销。」称不会妖魔化唱片公司的想法，但若果真的有所考虑，亦认为是理所当然。

Hugo借《山下见》表达立场，但不认为唱片公司因此而对他却步。

MIRROR加入令参赛者失焦

不少观众虽然很喜欢MIRROR，但亦曾表示将他们加入《造星II》，对《造星II》的参赛者是非常不公平，不过Hugo不在意，事关他参赛并不是想成为偶像，亦自知不是会抢镜的人。但亦大爆的确有参赛者感到失落：「有个好深刻嘅画面，我哋去练舞有好多人跟拍，好多时拍到咁上下就有MIRROR成员入嚟，好快见到所有摄影师将个镜头即刻摆晒喺佢哋身上。然后其他参赛者就冇咗啲镜头，有啲好在意嘅人，可能对佢哋会有啲唔公平同失落，就会觉得究竟边个先系呢个节目嘅主角，边个先系焦点。」但对于节目偏重于MIRROR，Hugo称参赛者们未有在节目上谈及此事，因为大家已默默接受了这个现象。

MIRROR成军后被安排加入《造星II》，被网民批不公平。

Hugo爆有参赛者因MIRROR加入《造星II》而失落。

锺意已被Foul的Sica

Hugo身为《造星》前辈，当然有收看引起全城关注的《造星IV》，原来Hugo本身都好钟意睇女团表演，亦自认是KPOP迷，得知《造星IV》选女团，他也兴奋表示：「香港好耐冇好多人嘅女团，对上一队应该系Super Girls？睇《造星IV》发现原来香港好多好叻嘅女仔。」又称欣赏行日本风的Sica，可惜她已在30强止步，相信Hugo都几失望。不过他的好友Winka则有希望杀入十强：「佢唱歌好叻！」而他亦鼓励参赛者要享受舞台，不要想太多。

Hugo本身都好睇好Sica，但可惜她已于30强止步。

Hugo同唱得之人Winka原来系好朋友。