独家丨姚子羚幻想陈豪做老公拍《拳王》跟黎耀祥偷师

2021-12-05 21:15

姚子羚为演《拳王》「雷坚」剪掉留了6年长发，以硬朗形象示人，不过她觉得好值得，很配合剧中在男人堆中打滚的角色。今次她跟好多男对手合作，最开心跟神级演技的视帝黎耀祥有不少对手戏，化身小粉丝不停偷师，又有大量爆肌型男可以食花生任睇，她还自行幻想与好男人陈豪做夫妻，认真大满足。撰文：杜杜摄影：沈健程发型：Taylor Wan @ Hair Corner K-11 化妆：Henry Li 服饰：DearBell2Ling 场地：Velo Italian Bar & Grill

子羚在剧中有位富豪前夫，两人有不少温馨甜蜜戏，导演为观众有更多幻想空间，刻意蒙糊男对手样貌，原来当时她心内却想着一个人来演，「个角色系对老婆嘅好好先生，我就当佢系陈豪，幻想佢系个角色，有时要谂番起佢喊、伤心时，代入一个人会易啲投入，就问Aimee（陈茵媺）借咗佢喺脑海里面，好老公角色就谂到佢。」

赞朱敏瀚身材好
戏中不少男演员都要骚肌，子羚笑言最初是抱着食花生心态，「呢个胸肌唔错，呢个腹肌6嚿都好正，全部计我觉得朱仔（朱敏瀚）比例最好，其实阿朗（张振朗）都好fit，但胸肌差啲啲。」不过后期她好佩服他们的毅力，「观众只系见到佢哋打戏几十秒，可能用一日去拍，真系台上一分钟台下十年功，我见证住佢哋日日食蕃薯饮鸡汁，完咗擂台戏喺度食朱古力，会觉得好感动，呢啲要做演员先至感受到，付出嘅汗水同泪水。」

今次子羚再跟偶像黎耀祥合作，她更化身小粉丝攞签名，「买咗祥哥《戏剧浮生：黎耀祥论演技与人生》本书，睇晒好耐摆咗喺度，拍时攞咗畀祥哥签名。」她第一次担正女主角的《铁血保镖》便有机会跟祥哥合作，到现在又是另一番感受，「嗰时未敢同祥哥倾偈，𠵱家当然有咩都会问吓祥哥，睇吓佢有啲咩睇法，大家觉得佢系神级，好想喺佢身上偷师，今次我好想同祥哥斗戏，虽然系一定有距离，但好想将个距离拉近，希望大家可以有火花。」