青春本我｜炎明熹听到音乐就会喊 总导演李敏：真系喊到下巴震晒

TVB青春剧《青春本我》今晚（5日）首播，谈到剧中同学仔，总导演李敏笑言由于17人当中，有15.5名完全没有演戏经验，甚至连半句对白也没讲过，加上拍摄时间紧绌，故开拍前难免有心理压力。为了令整件事更顺畅，李敏特意开夜车为众新人撰写了一份名为「演技鸡精班」的备忘；正式开拍前，又专诚抽空与每位演员独立会面。她说：「我哋有为佢哋度身打造角色，因为新人最好系做番自己；我哋另外亦有根据佢哋角色性格，个别设计唔同嘅心理状况畀佢哋。」

李敏认为香港需要培育更多新演员，她亦坦言从一开始拍摄这剧到现在进入后期剪接等工作，对于看到一众新演员们每次都有进步大感安慰：「好有满足感，睇住佢哋由对白都讲唔到，甚至走错位，去到依家起码叫有啲演技存在。最尾几日，佢哋甚至识得互相提点，我系好感动！」
李敏续指「女子组」角色需要处理较多喊戏，当中炎明熹（Gigi）及林沚羿（Venus）的喊戏带给她一定程度惊喜：「Gigi佢除咗第一次喊得比较混乱，因为佢耷低咗个头喊，所以拍到嘅镜头好少！之后大家明白咗原来Gigi只要一听到音乐就会喊，所以我哋每次都有准备音乐，同埋知道Gigi第一、二个take就会喊尽，所以我哋拍佢嘅喊戏要一嚟就嚟，佢真系喊到下巴都震晒㗎！」李敏又指童年时曾出演电影《蜘蛛侠2》的Venus，亦是开水喉代表：「佢哋未算控制自如，所以我哋拍摄要配合番佢哋嘅节奏。」