梅艳芳姨甥多谢姨姨留下教育基金 预告会返港见婆婆

2021-12-04 19:45
梅艳芳姨甥潘文皓感谢姨姨留给他和弟弟的教育基金。
梅艳芳姨甥潘文皓感谢姨姨留给他和弟弟的教育基金。

电影《梅艳芳》上映以来叫好又叫座,与梅艳芳失联21年的梅爱芳长子潘文皓亦有留意电影,日前被发现在Facebook表示自己看了《梅艳芳》三次,并在帖文中抒发了感受。港台节目《旧日的足迹》主持车淑梅,日前成功透过长途电话专访身在加拿大的文皓,足本对话如下:

潘文皓:「系嘅,我睇咗三次,第一次嘅感觉难以形容,长期处于想流泪同流紧泪嘅状态,再睇第二次、第三次都有唔同嘅感觉,有好多地方好感动。当见到妈咪同姨姨喺舞台表演嘅时候,我眼泪不禁流落嚟,我可以亲眼见到佢两个宝贵嘅姊妹情,我细个嗰时见唔到嘅......妈咪走嘅时候我七岁,姨姨走嘅时候我11岁,我唔喺佢身边。有日,我同王丹妮通电话,当时佢喺香港嘅戏院谢票,透过视像讲咗几句,佢戴上口罩眼神好似(姨姨),嗰阵时我好感动,有机会真系想同佢倾多几句。」

淑梅姐:「你系咪一直喺温哥华?」

潘文皓:「 其实六年级开始就喺呢边生活喇!当我知道有呢套电影,我一定要睇,里面一定会讲好多有关妈咪同姨姨嘅事,爹哋、细佬都有睇......印象中,妈咪(梅爱芳)系一个好称职嘅妈咪,好畀心机教我同细佬,脑海里边好难想到一个画面佢闹过我哋。佢系一个好积极乐观嘅人,遇到乜嘢难题都系笑住面对,正如电影情节一样。姨姨系一个好直、好有为、好坚强嘅人,佢好锺意讲笑令身边人开心,时时刻刻为人哋设想。细个嗰时我有少少惊佢,因为佢把声好有力量同埋威严,有冇俾佢闹过我唔记得,但系我真系有少少惊佢,我知道佢系大明星,佢系个永不放弃嘅人,电影中佢话『只要有信心、世上无难事!』呢一句正正喺佢生命话畀我哋听。」

梅艳芳姨甥潘文皓感谢姨姨留给他和弟弟的教育基金。
梅艳芳姨甥潘文皓感谢姨姨留给他和弟弟的教育基金。
梅艳芳爱屋及乌,好锡家姐及其家人。
梅艳芳爱屋及乌,好锡家姐及其家人。

淑梅姐:「你知道姨姨一直搵你哋吗?」

潘文皓:「 我只系呢一排先知道......当年我哋唔喺香港,唔知佢搵我哋,如果知道,爹哋一定会带我同细佬返嚟见佢,所以当我知道佢一直有心搵我哋,亦系佢临终前一个心愿,我真系觉得好难过。我而家大个咗,可以帮佢完成心愿,即系佢可以搵番我哋喇!其实呢两三年,我有同姨姨嘅fans 联系返先至知道有呢套电影,我先至知道有呢一件事,系佢哋话畀我知......」

淑梅姐:「你哋嘅近况如何?」

潘文皓:「我28岁,有女朋友,未结婚,我而家做IT工作。细佬都好好,佢都系做IT电影后期嘅工作。爹哋好好,身体好好,好健康。我都想返香港,如果可以,我嚟紧呢半年内会返,上次2017年返过嚟,今次我会探婆婆,佢98岁,我好想返去见佢。」

淑梅姐:「身为妈咪同姨姨嘅新一代有咩感觉?」

潘文皓:「其实当我知道今次有咁多人仲系挂住佢哋,我好感动。做妈咪嘅仔、姨姨嘅姨甥有种压力,我好想好似佢哋咁样,好想学识佢哋嗰种生活态度、处事方式,因为我觉得佢哋好坚强、好乐观积极!」

潘文皓一直在加拿大居住,今年已经28岁,做IT行业。
潘文皓一直在加拿大居住,今年已经28岁,做IT行业。
他表示已看了三次《梅艳芳》,之后会再去睇。
他表示已看了三次《梅艳芳》,之后会再去睇。

淑梅姐:「你喺Facebook嘅中文写得好好,有咩原因呢?」

潘文皓:「我一直喺温哥华生活都有睇TVB,因为有字幕,所以我记得。我听日会睇(《梅艳芳》)第四次,隔几日睇一次,直到落画,因为每一次都有唔同感受。我觉得Fish(廖子妤)好似我妈咪,特别佢短头发嘅时候,我好多时会睇返以前啲相。三次睇都流眼泪嘅就系见到姨姨探妈咪,妈咪病床上有张相见到我同细佬,佢望住话唔知可唔可以睇住我哋长大,就系呢一句,我听到好难过......好遗憾佢唔可以睇到我哋长大,但,我想同妈咪讲,佢喺天上一直看顾住我同细佬,所以我哋唔可以做一啲令佢失望嘅事,我会好好咁生活落去。

姨姨佢嗰种精神,将所有精神同时间贡献畀歌迷、音乐、舞台......遗憾佢冇结婚,最终嫁咗畀舞台同大家,佢呢个态度好值得大家敬佩!我希望佢知道而家仲有好多人继续爱佢,挂念佢。我要同电影团队讲,我好多谢佢哋,呢段时间到处都有疫情,要为大家打气,电影带出咗呢种正能量同态度,值得我哋学习,好多谢佢哋!」

淑梅姐:「有咩要对妈咪同姨姨承诺?」

潘文皓:「就系我要好好成长,好似佢哋咁对自己同对身边嘅人......姨姨讲过希望有一晚,大家食完饭出去望住星星嘅时候,会记得佢,一个曾经为我哋带来小小欢乐嘅朋友,会记住佢个名叫做梅艳芳,我会一路一路记住佢哋,永远永远以佢哋为荣!」

文皓于专访末更特别补充:「其实我都想讲我同细佬好想多谢姨姨留畀我哋嘅教学基金,等我哋可以顺顺利利咁读完大学,而家又一分几好嘅工作。」

文皓指Fish演他的妈妈,神态好相似,令他勾起好多回忆。
文皓指Fish演他的妈妈,神态好相似,令他勾起好多回忆。
文皓表示会返港见婆婆。
文皓表示会返港见婆婆。
關鍵字

最新回应

關鍵字

相關新聞

热门文章