Kai搵RV Wendy玩新歌CHALLENGE 笑金钟国教健身劲多嘢讲

韩国男团EXO成员Kai（金钟仁）刚于上月尾推出第二张Solo专辑《Peaches》，近年韩国歌手出歌都好兴搵歌手朋友玩新歌CHALLENGE，Kai都唔例外，搵嚟同门Red Velvet嘅Wendy一齐跳「Let's Pick Peaches」舞步，齐齐摘桃都几好笑。

另外，Kai获金钟国邀请做其健身YouTube频道嘉宾，原来两人是用同一个健身室，成日见但唔会互相打扰，Kai提到健身有两个原因，一系腰椎唔好，二系为咗跳舞，因为要好身材先可以更好地表现唔同风格嘅舞。

拍摄期间，金钟国系咁讲嘢，Kai忍唔住笑佢，话未见过佢咁多嘢讲，前者表示一讲起健身就停唔到，有时拍片讲好多嘢，到剪辑嗰阵就算系咁剪都仲有好多。另外金钟国又提到，唔好谂住用健身嚟医腰骨痛，一定要去睇医生，然后全段片就系讲解做健身必须要注意嘅地方，想知多啲可揿入有关频道睇吓。