花姐约姜涛谈未来发展大计 网民卖口乖颁「我最喜爱经理人」

MIRROR、ERROR 两大男团今年除打入商台「叱咤乐坛我最喜爱的组合」5强外，MIRROR成员姜涛、吕爵安(Edan) 、陈卓贤(Ian)及卢瀚霆(Anson Lo) 更在「我最喜爱的男歌手」5强中占4席位。作为16子的幕后功臣兼经理人黄慧君（花姐）今日于社交网上载了一张姜涛身穿浅蓝色卫衣，在床上揽着棉被的靓仔相，并透露最近与姜涛讨论年尾颁奖礼及未来发展动向，同时希望大家投票以外，更会欣赏16子的作品。

花姐写道︰「近排都会同老姜讨论吓出歌，年尾颁奖礼，未来发展嘅嘢。见到大家咁支持自己真系好开心，呢份厚爱带畀我哋无限动力，边个唔想有好成绩，但对MIRROR、ERROR、对老姜嚟讲，可以有机会做好音乐，继续可以喺舞台表演，可以尝试唔同嘅挑战先系最想要嘅野。所以希望大家投票畀我哋嘅同时，亦希望大家欣赏我哋嘅作品，陪着我哋成长。老姜金句，『用我哋作品去感激大家对我哋支持』。16子谢谢你们的每一票，无论成绩如何都会继续努力！如果有『我最喜爱粉丝』呢个奖，必属镜粉同错粉。」有镜粉即卖口乖表示：「如果有『我最喜爱经理人』奖，必属花姐！」