独家丨张振朗忙开工暴跌20磅冇晒胸肌 被高海宁取笑爱分享爆肌照

张振朗于台庆剧《拳王》中以一身朱古力爆肌身形打擂台，冲击今年视帝宝座，「叫糊」中的张振朗特别醒神，之前他跟视帝陈展鹏及高海宁(高Ling)拍新剧《童时爱上你》外景时，心情靓到爆系咁笑。对于被指得奖呼声高，他不好意思说：「有肌肉睇唔代表会有奖！我系为个角色加操，其他睇得唔重。」采访：方骞平 摄影：沈健程

张振朗、陈展鹏及高海宁之前喺尖沙咀为新剧《童时爱上你》拍外景，剧情讲述作为CEO嘅振朗跟陈展鹏及高Ling开会时，试探一吓高Ling系咪真失忆，场口坐定定比较轻松，惟独陈展鹏有其他剧集在身，所以请咗女助手跟场打点，亦突显视帝地位，他解释：「𠵱家咁嘅环境要互相团结，尊重自己嘅工作，叠住拍3个剧真系好攰，有得做梗系好过冇得做啦，所以需要请人帮手。」

坚持晒肌未必有奖

对比《拳王》爆肌造型，当日张振朗明显缩咗水，他坦言日日开工冇时间操肌，跌咗20磅，自爆：「𠵱家啲肌肉冇晒，好彩呢个角色唔使大大只。」张振朗为《拳王》辛苦操肌，被指值得加许做视帝。他却强调：「有肌肉睇唔代表会有奖！操肌嘅过程令自己开心，唔会信心大咗，最重要观众锺意，可能啲观众未必锺意我大嚿反而锺意我瘦呢！」在旁的高Ling即踢爆佢：「佢自己就好锺意，成日攞啲相出嚟同人分享话自己好大只！」展鹏则附和道：「(操肌)都辛苦㗎！」3人同声表示合作愉快，呢个组合好有新鲜感。