大住个肚去上堂丨 趁有时间做喜欢做的事 陈嘉宝：生咗就有排搞

陈嘉宝（Anjaylia）在2017年与初恋男友黄颂祈（Epaphras）结婚，婚后诞下大女儿Hosanna与细女Eliana，早前宣布陀第三胎，预产期于今年底。Anjaylia今次的孕期十分舒服，加上多得妈妈和奶奶的爱心养胎料理与汤水而增磅了不少，搞到连医生也建议她不宜过量饮食，Anjaylia说：「其实三胎都陀得好舒服，今胎都冇乜特别反应，只系大食咗同肥咗，医生都同我讲，以我嘅身形，唔应该食太多，因为怕生唔出，BB太大怕我难生辛苦，我反而要留意食量。」

最近家中正进行装修，两女又分别开始上学，同时维持工作，Anjaylia也处理得头头是道：「我依然继续work life balance，两个女都要返学，要一路跟住大女返学嘅嘢，呢两星期又要开始计划帮细女报学前班，自己又一路有写作嘅工作。其实而家陀住BB仲轻松，出咗世反而要放好多时间，我成日觉得做妈咪，陀住BB嘅时候系最方便，生咗就有排搞，所以趁而家会继续做。」

向来喜欢做自己想的事的Anjaylia，最近报读了一个跟写作有关的课程，当旁听生，初试大肚返学的滋味，她笑说：「大住个肚去大学上堂，喺外国就见好多，我就未试过，都几得意呀！学多啲嘢系好开心、好期待。完美地谂读完个课程就可以生嘞，跟住就坐月，之后又睇吓新一个学期有冇机会可以再读。趁住有时间就选择自己喜欢做嘅事，追求梦想，系畀小朋友一个教材、一个好榜样。」昨日Anjaylia更撇低一对宝贝女，与老公过二人世界：「就算结了婚，有了孩子，恋爱还是要谈的。不然等宝贝们长大去谈自己的恋爱的时候，你才发现跟身边的人已经聊不起来，那就太迟了。」