林海峰送MIRROR全套闪卡 爆兄弟老婆收到喜极泪光闪闪

男团MIRROR人气极盛，全香港九龙新界随街都见到镜仔嘅广告，每次有商品推出佢哋嘅闪卡，势必掀起抽卡、换卡，甚至系炒卡热潮。噚日林海峰（Jan）都嚟凑热闹，喺IG上载一套MIRROR闪卡，而第一张就系全城最难抽中嘅团体闪卡，唔少镜粉为咗呢套闪卡日食夜食炸鸡餐，但阿Jan竟然可以垂手可得，真系令人非常羡慕。

阿Jan为咗将自己嘅地位提升到高过镜仔，竟然「借花敬佛」送赠畀好兄弟嘅太太，佢留言话：「要令对方觉得你仲受欢迎过镜仔，咪就系将成盒镜仔送晒俾佢罗！#老麦送俾老林然后老林就送咗俾个老兄个老婆」。佢话今次日行一善，令收礼人开心到喊，hashtag：「#UNCLE日行一善AUNTIE涙光闪闪 #给人玫瑰手留馀香」。