独家丨《造星IV》三大A0女神 Candy 莎莎迷193李敏镐 Yanis为老友追MIRROR
2021-11-25 22:30 
《全民造星IV》本周来到60强比赛，不过未必个个女神都能成功入围，好似94号Yanis因未能进级而引起公愤，不过仍有28号Candy、5号莎莎、78号马欣及2号咖喱有得留低。《头条》发现原来青春无敌、同样18岁的Yanis及Candy，跟20岁莎莎唔单止靓，原来都冇拍过拖，同属「A0女神」，她们对异性就各有喜好，Yanis欣赏MIRROR及ERROR，Candy同莎莎就讲明锺情长腿Oppa，至于一样27岁的马欣和咖喱，更大方公开已名花有主。撰文：杜杜、秦咏姿 摄影：叶君海、谭壹致
Yanis（吴欣谚）在《造星IV》跳唱演出赢得网民欢心，无缘入60强引起公愤，她坦承好意外，「本身（播出时）已知入唔到，但好惊讶大家咁锺意我表演，冇谂过有咁多人锺意。」迷倒一众男网民的她，竟大方分享是「A0」，「我读女校，冇拍过拖，顺其自然啦！冇刻意去认识，而家大学叫有啲异性，做朋友先啦！」
Yanis追梦变追星
Yanis身边老友都好支持她参赛，背后原因竟然是—「佢哋好锺意MIRROR同ERROR，知道我参加好开心，叫我帮佢哋攞签名。佢哋支持我追梦，但更加支持我帮佢哋追星。」早前在ViuTV节目跟MIRROR及ERROR擦身而过的Yanis，更爆朋友大多锺意Ian、Edan及姜涛，她为想贴近朋友话题更追埋一份，「ERROR欣赏肥仔，我哋成日拍《造星IV》见到佢好Nice。MIRROR就锺意Anson Lo跳舞，锺意听Ian唱歌。」爱表演的她原来是「学霸」，DSE以7科39分入读港大生物医学系，兼顾学业之馀，已被淘汰的她仍想追梦，仲计划搞YouTube频道。
Candy入女团随缘
后补位置入60强，Candy（王家晴）自问当晚演出未够好，怕令支持者失望而爆喊，被指是花瓶亦未能平反，「话我得个样，但我反驳唔到，表现真系唔好，我理解佢哋咁讲，希望大家睇到我进步。」参赛以来网上平台粉丝由千几急升到接近两万，但Candy唔认为自己靓女，「有少少过份吹嘘，我唔丑样但未去到好靓，节目剪到成仙咁，100分满分我得65分。」中学读男女校的她，更声称冇人追，仲自认是A0，「系有Puppy Love，但未拖过手，冇经历过拍拖嗰啲经历。（A0？）都算。」讲到理想型她首选要高，「193嗰啲高度，睇韩剧啲男主角好高，当初ERROR成员最吸引我就系193，韩国《Running Man》我都系锺意李光洙。」问到入女团信心，Candy打定输数，「好随缘，冇话入女团系我终极目标，反而参加后确认自己锺意表演，会朝住呢个方向发展。」
莎莎跟Edan路发展
莎莎（坂部佩莎）笑言妈咪想做星妈，从小安排她学习表演，更参加过薛家燕旗下Honey Bees。对于首个出场即杀入60强，又获花姐点名是心水，但她唔敢谂入硬女团，但好赞成花姐建议发展方向，「最终嘅目标系想入行，但冇话一定要女团，可能好似花姐讲似Edan咁样，做搞笑角色拍综艺。」参赛后莎莎社交平台粉丝由7千冲破两万，她更自爆未参赛已好多男仔fans，本身追求者系咪会仲多？「我唔系好识同佢哋沟通，所以冇呀。（有冇拍过拖？）冇呀……呢啲感情嘢唔可以答，冇话唔讲得感情问题，你搞到我好紧张，讲番《造星》嘅嘢啦！」虽然莎莎是A0，但男神总会有，「李敏镐，之前睇佢作品做戏好有感觉（锺意长腿Oppa？）高过我会好啲。」
最新回应