郑俊弘避谈何雁诗做第三者 爆太太婚后转变大会分担家务

郑俊弘（Fred）和菊梓乔（Hana）明年元旦有份参与《声梦维港Party Together演唱会2022》，今日齐齐出席记者会。郑俊弘对于太太何雁诗日前在频道节目重提当年被指介入他与未婚妻成第三者，更首次承认曾与谢东闵拍拖，郑俊弘说：「我冇睇到，事前佢有同我讲会上节目，但唔知内容，呢个唔清楚！（会否叫太太封嘴！）我哋依家开开心心结咗婚，过去嘢唔好提。」
问到可觉太太说话不经大脑？Fred笑指太太为人一向「大头虾」，做事有点疏忽又乱，更踢爆太太日前吃饭后竟然主动执枱，简直是天大喜讯。他说：「唔知佢黐咗边条筋？但系开心嘅！不过第日打回原形，当时我反应都O嘴，但结婚后佢有改变，平时唔会放狗，依家会同我分担家务，仲系佢煮饭，我会洗碗。」

此外，11月24日刚度过35岁生日的Hana，笑言原本打算跟妹妹及友人一起露营庆祝，碍于天气太冻，搞到无人够胆去，而近两星期的工作亦排得好满，所以有待明年再计划露营庆生。

Hana表示有机会参与元旦演唱会觉得很开心，希望能够跟其他歌手合唱，虽然自己跳舞手脚不协调，但都想跟随音乐摆动两下。谈到吴若希指跟她「唔啱Key」，皆因音域不同，Hana解释自己音域较低，反而对方则唱高音，所以音域不夹，希望稍后有歌曲的音域较阔，亦不抗拒一起合唱。