姜丽文为出碟圆梦令生活拮据 未想过叫爸爸帮手：凭咩用佢啲钱

现年35岁的秦沛女儿姜丽文（Lesley），在2017年签约TVB后，近年演出机会不断，在处境剧《爱．回家之开心速递》演外佣Lisa；及近日播毕的台庆剧《星空下的仁医》演母亲角色，同样备受赞赏。近日姜丽文接受商台《1圈圈星光背后》专访，透露从没想过要爸爸秦沛帮手「搭路」，她谓：「其实由细到大我对任何表演都有兴趣，签TVB系因为到17年做独立歌手做咗好耐，又穷又好耐冇上电视，本身好想演戏，我系签约嗰日后先跟爸爸讲。大家都话爸爸会帮到，但我唔知亦冇想过，我唔介意角色大定小，有机会就已经好感恩。」

当年姜丽文和哥哥姜文杰组成兄妹档Benji and Lesley闯乐坛，耗尽了20万制作及推出有3首歌的细碟，但原来最终头一年只有万多元收入。谈及经济最难捱的时候，姜丽文指亦从没想过要求爸爸帮助：「系试过穷到去超巿，想买一盒好想食嘅士多啤梨，价值5、60蚊都买唔起，系喊住咁走。我同阿哥无要求过爸爸帮手，因为知阿爸赚钱都好辛苦，特别依家佢都76岁，我哋凭咩花佢咁多年嚟储咗嘅钱？佢应该用呢啲钱跟妈咪享受吓二人世界，自己生存到就冇问题。」