临瞓前打算加热鸡煲翌日食　姜文杰大懵冇熄火险酿火灾

秦沛（Paul哥）大仔姜文杰（Benji）连续两日手痕落厨，之不过他都几「大头虾」，竟然忘记自己开火煮食，差点出意外。Benji昨日在社交网忆述事件：「榴槤鸡煲的故事，噚晚：不如加一加热先瞓觉，听日起身仲好食㗎。点知有人唔记得熄火，嗰个人，就系我！」

见到Benji贴出的片段，个煲烧到熏黑，明显是已经煲乾水，不过以其煲的受损程度来看，相信已烧焦了一段时间，Benji其间一直未有察觉，看来他所讲「加一加热先瞓觉」，其睡眠质素相当之好，所以闻不到燶味，也不觉得得屋内有烟。不过燶到咁唔知，下次煲嘢真系要小心一点，一阵搞到火烛就唔好啦！